| e-texts navigator |
| Wylie |
115a1 དང་། ཕ་རོལ་གྱི་སེམས་སུ་སྒྲིབ་པར་མི་འགྱུར་བ་སེམས་ཅན་ཐམས་ཅད་ཀྱི་སེམས་ལ་ལྟ་བའི་ཏིང་ངེ་འཛིན་ལ་མཉམ་པར་འཇོག་གམ། སྨྲས་པ། འཇམ་དཔལ།
115a2 དེ་མ་ཡིན་ནོ། །འཇམ་དཔལ་གྱིས་སྨྲས་པ། བཙུན་པ་རབ་འབྱོར། དེ་བཞིན་གཤེགས་པ་སེམས་ཅན་གྱི་སྤྱོད་པ་བརྒྱད་ཁྲི་བཞི་སྟོང་སོ་སོ་ཅི་རིགས་སུ་སྨན་པ་སྟོན་པས་ཆོས་ཀྱི་གཏམ
115a3 བརྗོད་དོ། །ཏིང་ངེ་འཛིན་མཉམ་པ་ཉིད་ལས་ཀྱང་མི་གཡོ་ལ་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པའང་རབ་ཏུ་མཁྱེན་ཏེ། བཙུན་པ་རབ་འབྱོར། རྣམ་གྲངས་འདིས་ཀྱང
115a4 འདི་ལྟར་འདི་ལ་ཉན་ཐོས་དང་། རང་སངས་རྒྱས་རྣམས་ཀྱི་ཡུལ་མ་ཡིན་པར་རིག་པར་བྱའོ། །བཙུན་པ་རབ་འབྱོར། སེམས་ཅན་འདོད་ཆགས་སྤྱོད་པ་གང་དག་སྡུག་པའི
115a5 རྣམ་པ་ཉིད་ཀྱིས་རྣམ་པར་འགྲོལ་ཞིང་མི་སྡུག་པའི་རྣམ་པས་རྣམ་པར་མི་འགྲོལ་བའང་ཡོད་དེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེན་ཏོ། །སེམས་ཅན
115a6 ཞེ་སྡང་ལ་སྤྱོད་པ་གང་སྐྱོན་མཐོང་བས་རྣམ་པར་གྲོལ་བར་འགྱུར་ལ་བྱམས་པས་རྣམ་པར་འགྲོལ་བར་མི་འགྱུར་བའང་ཡོད་དེ། དེ་དག་ཀྱང་དེ་བཞིན་གཤེགས་པས་རབ
115a7 ཏུ་མཁྱེན་ཏོ། །སེམས་ཅན་གཏི་མུག་སྤྱོད་པ་གང་དག་སྨད་པས་རྣམ་པར་གྲོལ་བར་འགྱུར་ལ། ཆོས་བསྟན་པས་རྣམ་པར་གྲོལ་པར་མི་འགྱུར་བའང་ཡོད་དེ། དེ་དག་ཀྱང
iiif viewer powered by OpenSeadragon
