| e-texts navigator |
| Wylie |
113b1 ཆོས་མི་མཐོང་། ཆོས་ལས་ལོགས་ཤིག་ནའང་ལུས་མི་མཐོང་། ཇི་ནས་གཉིས་སུའང་མི་མཐོང་། གཉིས་མེད་པར་ཡང་མི་མཐོང་བ་དེ་ལྟར་མཐོང་སྟེ། དེ་ལྟར་མཐོང་ནས་མངོན་སུམ
113b2 དུ་ཡེ་ཤེས་མཐོང་བའང་མི་མཐོང་སྟེ། གང་མི་མཐོང་བ་འདི་ནི་འཕགས་པ་མི་སྨྲ་བར་གྱུར་པའོ། །གཞན་ཡང་། རིགས་ཀྱི་བུ། གང་བདག་ཏུ་སྒྲོ་འདོགས་པ་དང་། ཕ་རོལ་ཏུ་སྒྲོ
113b3 འདོགས་པ་དང་། ཆོས་སུ་སྒྲོ་འདོགས་པ་དང་། ཆོས་མ་ཡིན་པར་སྒྲོ་འདོགས་པས་གཏམ་མི་བརྗོད་པ་འདི་ནི་ཆོས་ཀྱི་གཏམ་མོ། །གང་བརྗོད་དུ་མེད་པའི་ཆོས་ཉིད་ཐོབ་པས་ཡི
113b4 གེ་དང་། སྐད་དང་། སྒྲ་དང་། དབྱངས་ཐམས་ཅད་དང་བྲལ་བ་མི་གཡོ་བ་ཐོབ་པ་དབེན་པའི་རང་བཞིན་གྱི་སེམས་ཀྱིས་ཉེ་བར་བསྒྲུབ་པ་ལ་གནས་པ་འདི་ནི་འཕགས་པ་མི་སྨྲ
113b5 བར་གྱུར་པའོ། །རིགས་ཀྱི་བུ། གང་སུ་དག་སེམས་ཅན་ཐམས་ཅད་ཀྱི་དབང་པོ་མཆོག་དང་། མཆོག་མ་ཡིན་པ་ཤེས་པས་གཏམ་བརྗོད་པ་དེ་དག་ནི་ཆོས་ཀྱི་གཏམ་བརྗོད་པའོ
113b6 གང་ལ་ལ་མཉམ་པར་བཞག་ཅིང་མ་གཡེང་པ་དེ་དག་ནི་འཕགས་པ་མི་སྨྲ་བར་གྱུར་པ་ལ་གནས་པའོ། །དེ་ནས་འཇམ་དཔལ་གཞོན་ནུར་གྱུར་པ་ལ་བྲམ་ཟེ་ཤིང་སཱ་ལ་ཆེན་པོ
113b7 ལྟ་བུའི་བུ་མཉམ་པར་གནས་པས་འདི་སྐད་ཅེས་སྨྲས་སོ། །ཇི་ལྟར། འཇམ་དཔལ། ཁྱོད་ཀྱིས་བཤད་པའི་དོན་ཁོ་བོས་ཤེས་པ་ལྟར་ན་ཉན་ཐོས་དང་། རང་སངས་རྒྱས་རྣམས
iiif viewer powered by OpenSeadragon
