| e-texts navigator |
| Wylie |
10b1 འདི་སྙམ་དུ་སེམས་ཏེ། ཀྱེ་མ་བྱིས་པ་སོ་སོའི་སྐྱེ་བོ་འདི་དག་ནི་གསོག་གི་ཆོས་རྣམས་དང་། གསོབ་ཀྱི་ཆོས་རྣམས་ལ་མངོན་པར་ཞེན་ཏོ་སྙམ་དུ་སེམས་ཏེ། འདི་ནི་བྱང་ཆུབ་སེམས
10b2 དཔའི་ལྷག་མཐོང་ཞེས་བྱའོ། །དེ་ལྟར་རྣམ་པར་མཐོང་བས་ཉོན་མོངས་པ་རྣམས་ཀུན་ཏུ་མི་འབྱུང་ཞིང་མི་འཇུག་པ་དེ་ནི་བྱང་ཆུབ་སེམས་དཔའི་ཞི་གནས་ཞེས་བྱའོ། །ཚངས་པ། གཞན
10b3 ཡང་བྱང་ཆུབ་སེམས་དཔའ་གཅིག་བུ་དབེན་པར་འདུག་སྟེ། ནང་དུ་ཡང་དག་བཞག་ནས་མིང་དང་། ཡི་གེ་ཇི་ལྟར་ཐོས་པ་རྣམས་ངེས་པའི་ཚིག་གི་གདགས་པས་ཡང་དག་པར་འཇོག
10b4 ཅིང་ཡི་གེ་དེ་དག་ལ་ཉེ་བར་རྟོགས་ཏེ། དེ་དེ་ལྟར་ཉེ་བར་རྟོགས་པ་ན་ཡི་གེ་རྣམས་གསོག་དང་། གསོབ་ཏུ་མཐོང་ངོ་། །དེ་ཡི་གེ་རྣམ་པ་གསོག་དང་། གསོབ་ཏུ་མཐོང་ནས་མིང
10b5 རྣམས་ཀྱང་གསོག་དང་། གསོབ་དུ་མཐོང་ངོ་། །གང་ལ་མིང་དེ་འདོགས་པ་དེའང་གསོག་དང་། གསོབ་ཏུ་མཐོང་ངོ་། །དེ་ལ་གཟུགས་དང་། གང་སྣང་བ་དེ་དང་། དེའང་གསོག་དང་།
10b6 གསོབ་ཏུ་མཐོང་ངོ་། །དེ་གསོག་དང་། གསོབ་ཏུ་མཐོང་བས་ཡང་དག་པར་ཇི་ལྟ་བ་བཞིན་དུ་ཡོངས་སུ་ཤེས་པར་འགྱུར་རོ། །ཡང་དག་པར་ཇི་ལྟ་བ་བཞིན་ཡོངས་སུ་ཤེས་པས་དེ་ལ
10b7 འདུས་བྱས་རྨི་ལམ་དང་འདྲ་བར་སྣང་ངོ་། །དེ་ལ་བྱང་ཆུབ་སེམས་དཔའ་སོ་སོར་བརྟགས་ནས་སེམས་ཅན་ལ་ལྟ་བས་སྙིང་རྗེ་ཆེན་པོའི་སེམས་ཉེ་བར་བཞག་ནས་གནས་སོ། །དེ
iiif viewer powered by OpenSeadragon
