| e-texts navigator |
| Wylie |
10a1 སུ་མི་འཛིན་པ་ཡིན་ནོ། །གཟུགས་དང་། སྒྲ་དང་། དྲི་དང་། རོ་དང་། རེག་པ་སྣ་ཚོགས་པ་དག་ལའང་མཚན་མར་མི་འཛིན་ཅིང་མངོན་རྟོགས་སུ་མི་འཛིན་པ
10a2 ཡིན་ནོ། །སྐྱེས་པ་དང་། བུད་མེད་དང་། ཁྱེའུ་དང་། བུ་མོ་རྣམས་ལའང་མཚན་མར་མི་འཛིན་ཅིང་མངོན་རྟགས་སུ་མི་འཛིན་པ་ཡིན་ནོ། །དེ་གཅིག་པུ་དབེན་པར་འདུག་ནས་ནང་དུ
10a3 ཡང་དག་པར་འཇོག་ཅིང་སེམས་གནས་པར་བྱ་བའི་ཕྱིར་ནན་ཏན་བྱེད་དེ། མི་སྡུག་པ་ལ་དམིགས་པའམ། བྱམས་པ་ལ་དམིགས་པ་འམ། སྙིང་རྗེ་ལ་དམིགས་པའམ། ཡིད
10a4 འབྱུང་བར་འགྱུར་བ་གང་ཡང་རུང་བས་ཇི་ལྟར་ལུས་ཁེངས་པར་མི་འགྱུར་བ་དེ་ལྟར་དམིགས་པར་བྱེད་དེ། དབུགས་རྡུབ་པ་དང་། འབྱུང་བ་མི་འགག་གོ། རྒྱུན་རྣམས་ཀྱང་མི
10a5 འཆད་དོ། །རླུང་འཁྲུག་པར་མི་འགྱུར་རོ། །སེམས་ལོག་པར་རྣམ་པར་གཡེང་བར་མི་འགྱུར་རོ། །དེ་འཆག་གམ། ཉལ་ལམ། འགྲེང་ངམ། འདུག་ཀྱང་དམིགས་པ་དེ་ཉིད
10a6 ཀྱིས་འདུག་གོ། དེ་ཉིད་ལ་སེམས་གཏོང་ངོ་། །ཚངས་པ། གང་གི་ཚེ་བྱང་ཆུབ་སེམས་དཔའ་དམིགས་པ་ལ་སེམས་བརྟན་པར་གྱུར་པ་དེའི་ཚེ་སེམས་ལ་སེམས་མཉམ་པར
10a7 འཇོག་སྟེ། སེམས་ཀྱིས་སེམས་ཀྱང་མི་དམིགས་སོ། །གང་གིས་མཉམ་པར་འཇོག་པ་དེའང་མི་དམིགས་སོ། །གང་གི་ཕྱིར་མཉམ་པར་འཇོག་པ་དེའང་མི་དམིགས་སོ། །དེ
iiif viewer powered by OpenSeadragon
