| e-texts navigator |
| Wylie |
106a1 མཆིས་ཤིང་ཐེ་ཚོམ་མ་མཆིས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །གཞོན་ནུ་མ་སེང་གེས་གསོལ་པ། བཅོམ་ལྡན་འདས། གང
106a2 ལ་བུད་མེད་ཀྱི་ཆོས་ཀྱང་མ་མཆིས། སྐྱེས་པའི་ཆོས་ཀྱང་མ་མཆིས་ལ་སེམས་ཅན་ཡོངས་སུ་སྨིན་པར་བགྱི་བའི་སླད་དུ་གཟུགས་སྣ་ཚོགས་ཀྱང་སྟོན་པ་དེ་ནི་དེའི་སླད་དུ་བྱང
106a3 ཆུབ་སེམས་དཔའ་ཞེས་བགྱིའོ། །བུ་མོ་རིན་ཆེན་གྱིས་གསོལ་པ། བཅོམ་ལྡན་འདས། བྱང་ཆུབ་སེམས་དཔའ་གང་སངས་རྒྱས་དང་། ཆོས་དང་། དགེ་འདུན་རིན་པོ་ཆེ་མ་གཏོགས
106a4 པའི་རིན་པོ་ཆེ་གཞན་ལ་དགའ་བ་མི་སྐྱེད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །དགེ་བསྙེན་སགས་བྱིན་གྱིས་གསོལ་པ། བཅོམ་ལྡན་འདས། དམིགས་པ
106a5 ཅན་ལ་ནི་བྱང་ཆུབ་མ་མཆིས་ཏེ། གང་ཆོས་ཐམས་ཅད་ལ་མི་དམིགས་པ་དང་། མི་སྐྱེད། མི་འགོག་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །ཁྱིམ་བདག
106a6 བཟང་སྐྱོང་གིས་གསོལ་པ། བཅོམ་ལྡན་འདས། བྱང་ཆུབ་སེམས་དཔའ་གང་གི་མིང་ཙམ་བཟུང་བས་སེམས་ཅན་བྱང་ཆུབ་ཏུ་ངེས་པར་འགྱུར་བ་དེ་ནི་དེའི་སླད་དུ་བྱང་ཆུབ
106a7 སེམས་དཔའ་ཞེས་བགྱིའོ། །གཞོན་ནུར་གྱུར་པ་རིན་ཆེན་ཟླ་བས་གསོལ་པ། བཅོམ་ལྡན་འདས། བྱང་ཆུབ་སེམས་དཔའ་གང་རྟག་ཏུ། རྒྱུན་མི་ཆད་པར་གཞོན་ནུའི་ཚངས
iiif viewer powered by OpenSeadragon
