| e-texts navigator |
| Wylie |
105a1 གསོལ་པ། བཅོམ་ལྡན་འདས། བྱང་ཆུབ་སེམས་དཔའ་གང་སེམས་ཀྱི་ཆོས་ཐམས་ཅད་ལ་སེམས་ཀྱང་དེ་ལ་མ་རྨས་ཤིང་མཉམས་པ་དེ་ནི་དེའི་སླད་དུ
105a2 བྱང་ཆུབ་སེམས་དཔའ་ཞེས་བགྱིའོ། །བྱང་ཆུབ་སེམས་དཔའ་སེང་གེའི་འགྲོས་སུ་འགྲོ་བས་གསོལ་པ། བཅོམ་ལྡན་འདས། བྱང་ཆུབ་སེམས་དཔའ་གང་ཆོས་ཟབ་མོ་ལ
105a3 བཟོད་ཅིང་མི་འཇིགས་མི་སྐྲག་སྟེ། ཕ་རོལ་གྱི་མུ་སྟེགས་ཅན་ཐམས་ཅད་སྐྲག་པར་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །བྱང་ཆུབ་སེམས་དཔའ
105a4 བསམ་གྱིས་མི་ཁྱབ་པས་གསོལ་པ། བཅོམ་ལྡན་འདས། གང་སེམས་ལས་བསམ་གྱིས་མི་ཁྱབ་པར་འཇུག་ཅིང་སེམས་རྣམས་པར་མི་སེམས་པ་དེ་ནི་དེའི་སླད་དུ་བྱང་ཆུབ
105a5 སེམས་དཔའ་ཞེས་བགྱིའོ། །ལྷའི་བུ་མཚམས་བཟང་གིས་གསོལ་པ། གང་ལྷའི་གནས་ཐམས་ཅད་དུའང་སྐྱེ་ལ་ཅི་ལའང་ཆགས་པར་མི་བགྱིད། འདོད་ཆགས་དང་བྲལ
105a6 བའི་ཆོས་ཉིད་ཀྱང་ཁོང་དུ་ཆུད་པར་མི་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །བྱང་ཆུབ་སེམས་དཔའ་བདེན་པར་སྨྲ་བས་གསོལ་པ། བཅོམ་ལྡན
105a7 འདས། བྱང་ཆུབ་སེམས་དཔའ་གང་གི་ངག་ནི་བདེན་པའི་རྗེས་སུ་འཇུག་ཅིང་རྨི་ལམ་ནའང་རྫུན་གྱི་ཚིག་མི་སྨྲ་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། །
iiif viewer powered by OpenSeadragon
