| e-texts navigator |
| Wylie |
102a1 དངོས་པོར་ཡང་མི་བྱེད། དངོས་པོ་མེད་པའང་མི་བྱེད་དེ། ཚངས་པ། གཉིས་དང་བྲལ་བ་ནི་ལམ་མོ། །ལམ་གང་གིས་བཙལ་པས་ཆོས་ཐམས་ཅད་མི
102a2 དམིགས་པ་འདི་ནི་ལམ་མོ། །ལམ་གང་གང་དུའང་ཕྲད་པར་མི་བྱེད་དེ། འདོར་བའང་མི་བྱེད་ཅིང་འཁོར་བའང་མེད། མྱ་ངན་ལས་འདས་པའང་མེད་པའོ། །དེ་ཅིའི་ཕྱིར
102a3 ཞེ་ན། ཕྲད་པར་བྱེད་པའང་མེད། དོར་བའང་མེད་པ་ནི་འཕགས་པ་རྣམས་ཀྱི་ལམ་མོ། །དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་པ་ཞེས་བྱ་བས
102a4 འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ། ཇི་ལྟར་ན་དགེ་བསྙེན་སངས་རྒྱས་ལ་སྐྱབས་སུ་སོང་བ་ཡིན། ཇི་ལྟར་ན་ཆོས་ལ་སྐྱབས་སུ
102a5 སོང་བ་ཡིན། ཇི་ལྟར་ན་དགེ་འདུན་ལ་སྐྱབས་སུ་སོང་བ་ཡིན། སྨྲས་པ། རིགས་ཀྱི་བུ། ནམ་དགེ་བསྙེན་ལྟ་བ་གཉིས་ཉེ་བར་མི་ལེན་པ་སྟེ། གཉིས་གང་ཞེ་ན། བདག
102a6 ཏུ་ལྟ་བ་མི་ལེན། ཕ་རོལ་ཏུ་ལྟ་བ་མི་ལེན། བདག་ཏུ་ལྟ་བ་མི་ལེན། སངས་རྒྱས་སུ་ལྟ་བ་མི་ལེན། བདག་ཏུ་ལྟ་བ་མི་ལེན། ཆོས་སུ་ལྟ་བ་མི་ལེན། བདག་ཏུ་ལྟ་བ་མི
102a7 ལེན། དགེ་འདུན་དུ་ལྟ་བ་མི་ལེན་པ་དེ་ཙམ་གྱིས་དགེ་བསྙེན་སངས་རྒྱས་དང་། ཆོས་དང་། དགེ་འདུན་ལ་སྐྱབས་སུ་སོང་བ་ཡིན་ནོ། །གཞན་ཡང་། རིགས་ཀྱི་བུ། ནམ
iiif viewer powered by OpenSeadragon
