| e-texts navigator |
| Wylie |
101b1 གང་གིས་ཆོས་ཐམས་ཅད་གང་ནས་ཀྱང་མ་འོངས་པ་དང་། གང་དུའང་མི་འགྲོ་བར་ཤེས་པའི་འཕགས་པ་རྣམས་སོ། །སྨྲས་པ། འཇམ་དཔལ། བདེན་པ་མཐོང་བ་གང་ཡིན། སྨྲས་པ།
101b2 ཆོས་གང་ཡང་མི་མཐོང་བའོ། །དེ་ཅིའི་ཕྱིར་ཞེ་ན། ཇི་ཙམ་དུ་མཐོང་བ་དེ་ཙམ་དུ་རྫུན་ཏེ། མཐོང་བ་མེད་པ་ནི་བདེན་པ་མཐོང་བའོ། །སྨྲས་པ། གང་མཐོང་བས་བདེན་པ་མཐོང་། སྨྲས
101b3 པ|་ལྟ་བར་གྱུར་པ་ཐམས་ཅད་མ་མཐོང་བས་བདེན་པ་མཐོང་ངོ་། །སྨྲས་པ། དེ་གང་དུ་བཙལ་བར་བྱ། སྨྲས་པ། ཕྱིན་ཅི་ལོག་བཞི་དག་ལས་བདེན་པ་བཙལ་བར་བྱའོ། །སྨྲས་པ།
101b4 འཇམ་དཔལ། ཅི་ལ་བསམས་ཏེ་དེ་སྐད་སྟོན། སྨྲས་པ། ཕྱིན་ཅི་ལོག་བཞི་ཚོལ་བ་གང་ཡིན་པ་དེ་ལ་རྟག་པའང་མེད། བདེ་བའང་མེད། བདག་ཀྱང་མེད། གཙང་བའང་མེད
101b5 དེ|་གང་ལ་རྟག་པ་མེད་པ་དེ་ནི་མི་རྟག་པའོ། །གང་ལ་བདེ་བ་མེད་པ་དེ་ནི་སྡུག་བསྔལ་བའོ། །གང་ལ་བདག་མེད་པ་དེ་ནི་བདག་གོ་།གང་ལ་གཙང་བ་མེད་པ་དེ་ནི་མི་གཙང
101b6 བའོ། །ཚངས་པ། ཆོས་ཐམས་ཅད་ལ་བདག་མེད་པ་ནི་འཕགས་པའི་བདེན་པ་འཚོལ་བ་སྟེ། གང་བདེན་པ་འཚོལ་བ་འདི་ནི་སྡུག་བསྔལ་ཡོངས་སུ་མི་ཤེས་པ་ནས་ལམ་གྱི་བར
101b7 མི་སྒོམ་པའོ། །སྨྲས་པ། འཇམ་དཔལ། ཇི་ལྟར་ན་ལམ་སྒོམ་པ་ཡིན། སྨྲས་པ། སྒོམ་པ་ན་ཇི་ལྟར་དངོས་པོར་ཡང་མི་ལྟུང་། དངོས་པོ་མེད་པའང་མི་ལྟུང་ཞིང་ཆོས་གང་ཡང
iiif viewer powered by OpenSeadragon
