| e-texts navigator |
| Wylie |
100b1 བཀུར་བྱེད་པ་ཡིན། སྨྲས་པ། ཚངས་པ། དགེ་སློང་གང་ལུས་དང་། ངག་དང་། ཡིད་ཀྱིས་རྟུལ་བར་མི་བྱེད་པའི་དགེ་སློང་དེ་ནི་དེ་བཞིན་གཤེགས་པ་ལ་རིམ་གྲོ་དང་། བསྙེན་བཀུར་བྱེད
100b2 བའོ|་|སྨྲས་པ། འཇམ་དཔལ། སུས་དེ་བཞིན་གཤེགས་པ་ལ་མཆོད་པར་འགྱུར། སྨྲས་པ། ཚངས་པ། གང་བསོད་ནམས་དང་། བསོད་ནམས་མ་ཡིན་པ་དང་། མི་གཡོ་བར
100b3 ཉེ་བར་འགྲོ་བའི་འདུ་བྱེད་ཐམས་ཅད་མངོན་པར་འདུ་མི་བྱེད་པའོ། །སྨྲས་པ། འཇམ་དཔལ། སུས་དེ་བཞིན་གཤེགས་པ་མཐོང་། སྨྲས་པ། གང་ཤའི་སྤྱན་དང་། ལྷའི་སྤྱན
100b4 དང་། ཤེས་རབ་ཀྱི་སྤྱན་དང་། ཆོས་ཀྱི་སྤྱན་དང་། སངས་རྒྱས་ཀྱི་སྤྱན་ལའང་མངོན་པར་མ་ཆགས་པ་དེས་དེ་བཞིན་གཤེགས་པ་མཐོང་ངོ་། །སྨྲས་པ། འཇམ་དཔལ། སུས
100b5 ཆོས་མཐོང་། སྨྲས་པ། གང་རྟེན་ཅིང་འབྲེལ་པར་འབྱུང་བ་མཐོང་ཞིང་འགལ་བར་མི་བྱེད་པ་རྣམས་ཀྱིས་སོ། །སྨྲས་པ། སུས་རྟེན་ཅིང་འབྲེལ་བར་འབྱུང་བ་རྣམས་མཐོང་།
100b6 སྨྲས་པ། གང་མཉམ་པ་ཉིད་མི་སྐྱེད་ཅིང་འགལ་བར་མི་བྱེད་པས་སོ། །སྨྲས་པ། འཇམ་དཔལ། སུ་དག་མངོན་པར་ཤེས་པ་ཐོབ། སྨྲས་པ། གང་ཟག་པ་མི་བསྐྱེད་ཅིང
100b7 མི་འགོག་པ་རྣམས་སོ། །སྨྲས་པ། འཇམ་དཔལ། སུས་དེ་བཞིན་གཤེགས་པའི་བསླབ་པ་ལ་སློབ། སྨྲས་པ། གང་མངོན་པར་འདུ་མི་བྱེད་པ་དང་། མྱོང་བར་མི་བྱེད་པ་དང
iiif viewer powered by OpenSeadragon
