| e-texts navigator |
| Wylie |
95a1 པོའི་རྒྱན་ནོ། །གཞན་ཡང་ཆོས་གཅིག་སྟེ། འདི་ལྟ་སྟེ། ཆོས་ཐམས་ཅད་མཉམ་པ་ཉིད་དུ་མངོན་པར་རྫོགས་པར་ཁོང་དུ་ཆུད་པས་བླ་ན་མེད་པ་ཡང་དག་པར
95a2 རྫོགས་པའི་བྱང་ཆུབ་པའོ། །བློ་གྲོས་རྒྱ་མཚོ། གཞན་ཡང་ཐེག་པ་ཆེན་པོ་སྡུད་པར་འགྱུར་བའི་ཆོས་གཅིག་སྟེ། ཆོས་གཅིག་པོ་གང་ཞེ་ན། འདི་ལྟ་སྟེ། ཆོས་ཐམས་ཅད
95a3 རང་བཞིན་གྱིས་མ་སྐྱེས་པ་དང་མ་བྱུང་བར་རིག་ནས་མི་སྐྱེ་པའི་ཆོས་ལ་བཟོད་པ་རབ་ཏུ་ཐོབ་པ་སྟེ། བློ་གྲོས་རྒྱ་མཚོ། འདི་ནི། ཐེག་པ་ཆེན་པོ་སྡུད་པར་འགྱུར་བའི་ཆོས་གཅིག
95a4 གོ་། བློ་གྲོས་རྒྱ་མཚོ། ཆོས་དེ་དག་ནི། ཐེག་པ་ཆེན་པོ་སྡུད་པར་འགྱུར་བ་དང་། འཛིན་པ་དང་། གནས་པ་ཐམས་ཅད་འདོར་བར་འགྱུར་བ་དག་གོ་།བློ་གྲོས་རྒྱ་མཚོ། གཞན་ཡང
95a5 ཐེག་པ་ཆེན་པོ་ལ་གཅེས་སྤྲས་བྱེད་པའི་ཆོས་གཉིས་ཏེ། གཉིས་གང་ཞེ་ན། འདི་ལྟ་སྟེ། སངས་རྒྱས་ཀྱི་ཆོས་རྣམས་ལ་མོས་པ་དང་། ཉན་ཐོས་དང་རང་སངས་རྒྱས་ཀྱི་ཆོས་རྣམས
95a6 ལ་འདོད་པ་མེད་པ་སྟེ། བློ་གྲོས་རྒྱ་མཚོ། ཆོས་གཉིས་པོ་དེ་དག་ནི། ཐེག་པ་ཆེན་པོ་ལ་གཅེས་སྤྲས་བྱེད་པའོ། །བློ་གྲོས་རྒྱ་མཚོ། ཐེག་པ་ཆེན་པོ་ལ་དཀའ་བ་བྱེད་པའི་ཆོས
95a7 གཉིས་ཏེ། གཉིས་གང་ཞེ་ན། མོས་པས་རྣམ་པར་གྲོལ་བ་དེ་ཀུན་ཏུ་སྲུང་བ་དང་། རྣམ་པར་གྲོལ་བ་དེའི་ཕྱིར་ཆོས་སྟོན་པ་སྟེ། བློ་གྲོས་རྒྱ་མཚོ། །ཆོས་གཉིས་པོ་དེ་དག་ནི། ཐེག
iiif viewer powered by OpenSeadragon
