| e-texts navigator |
| Wylie |
94b1 གཞན་ཡང་ཆོས་གཅིག་སྟེ། ཁྱད་པར་དུ་འགྲོ་བས་ལྷག་པའི་བསམ་བ་དག་པའོ། །གཞན་ཡང་ཆོས་གཅིག་སྟེ། ལེགས་པར་བྱེད་པའི་ལས་བྱེད་པས་སྦྱོར་བ་དག་པའོ། །གཞན
94b2 ཡང་ཆོས་གཅིག་སྟེ། བསོད་ནམས་ཡོངས་སུ་དག་པས་མཚན་ཡོངས་སུ་དག་པའོ། །གཞན་ཡང་ཆོས་གཅིག་སྟེ། ཤེས་པ་ཡོངས་སུ་དག་པས་ཉོན་མོངས་པ་ཡོངས་སུ
94b3 དག་པའོ། །གཞན་ཡང་ཆོས་གཅིག་སྟེ། སེམས་ཅན་ཡོངས་སུ་དག་པས་ཞིང་ཡོངས་སུ་དག་པའོ། །གཞན་ཡང་ཆོས་གཅིག་སྟེ། མཚན་མ་མེད་པ་ལ་སོ་སོར་བརྟགས་ཏེ
94b4 ཡོངས་སུ་བསྔོ་བ་ལ་མཁས་པའོ། །གཞན་ཡང་ཆོས་གཅིག་སྟེ། རྗེས་སུ་མཐུན་པའི་ཆོས་ཀྱི་བཟོད་པའོ། །གཞན་ཡང་ཆོས་གཅིག་སྟེ། རྣམ་པར་ཐར་པའི་སྒོ་གསུམ་ཡོངས
94b5 སུ་བསྒོམས་ནས་ངེས་པར་གྱུར་པ་ལ་སོ་སོར་རྟོག་པའོ། །གཞན་ཡང་ཆོས་གཅིག་སྟེ། གནས་མེད་པ་ལ་གནས་པས་གནས་བརྟན་པའོ། །གཞན་ཡང་ཆོས་གཅིག་སྟེ། མངོན་པར
94b6 ཤེས་པས་རྣམ་པར་རྩེན་ཞིང་ཟག་པ་ཟད་པ་ཤེས་པ་ལ་འཇུག་པའོ། །གཞན་ཡང་ཆོས་གཅིག་སྟེ། ཞི་གནས་དང་། ལྷག་མཐོང་གིས་ཡོངས་སུ་སྦྱང་བ་བྱས་པའི་རིག་པ་དང་། རྣམ་པར
94b7 གྲོལ་བའོ། །གཞན་ཡང་ཆོས་གཅིག་སྟེ། ཐབས་ཀྱིས་ཡང་དག་པར་ཟིན་པའི་ཤེས་རབ་སྒོམ་པའོ། །གཞན་ཡང་ཆོས་གཅིག་སྟེ། ཁམས་གསུམ་གྱི་སྙིང་པོ་ཐོབ་པ་བྱང་ཆུབ་ཀྱི་སྙིང
iiif viewer powered by OpenSeadragon
