| e-texts navigator |
| Wylie |
88b1 སོ|་|བཅོམ་ལྡན་འདས། དེ་ཅིའི་སླད་དུ་ཞེ་ན། བཅོམ་ལྡན་འདས་བྱང་ཆུབ་ཀྱི་སྙིང་པོ་ལ་བཞུགས་ནས་ཆོས་གང་མ་བརྙེས་ཤིང་མངོན་པར་རྫོགས་པར་སངས་མ་རྒྱས་པ་དེ་ལ་ཡོངས
88b2 སུ་གཟུང་བ་གང་ཡང་མ་མཆིས་སོ། །བཅོམ་ལྡན་འདས། བདག་གིས་ཆོས་ཐམས་ཅད་ཡོངས་སུ་མི་གཟུང་བ་དང་། སེམས་ཅན་ཐམས་ཅད་ཡོངས་སུ་འཛིན་པ་འདོར་དུ་སྩལ་བའི
88b3 སླད་དུ་སྙིང་རྗེ་ཆེན་པོའི་ཆོས་ཉིད་འདི་གཟུང་བར་བགྱི། ཆོས་གང་ཡང་འཕྲོས་པར་མི་བགྱི། འཕྲོས་པ་དང་བྲལ་བར་ཡང་མི་བགྱིའོ། །དེ་ནས་བཅོམ་ལྡན་འདས་ཀྱིས་འཇམ་དཔལ
88b4 གཞོན་ནུར་གྱུར་པ་ལ་ལེགས་སོ། །ཞེས་བྱ་བ་བྱིན་ཏེ། འཇམ་དཔལ། ལེགས་སོ་ལེགས་སོ། །དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། ངས་ཆོས་གང་ཡང་མ་ཐོབ་པར་བྱང་ཆུབ་ཀྱི
88b5 སྙིང་པོ་ལ་འདུག་གོ། མ་ཐོབ་བཞིན་དུ་བྱང་ཆུབ་ཀྱི་སྙིང་པོ་ལས་ལངས་སོ། །འཇམ་དཔལ་གྱིས་གསོལ་པ། བཅོམ་ལྡན་འདས། བྱང་ཆུབ་ཀྱི་སྙིང་པོ་ལ་བཞུགས་སམ། ཅི་ནས་གང
88b6 འདི་སྐད་དུ་ངས་མ་ཐོབ་བཞིན་དུ་བྱང་ཆུབ་ཀྱི་སྙིང་པོ་ལས་ལངས་ཞེས་གསུང་། གལ་ཏེ་བཞུགས་ན་ནི། བྱང་ཆུབ་ལ་གཉིས་འཇུག་པར་འགྱུར་ཏེ། བཅོམ་ལྡན་འདས་ཀྱང་གཞན་ལ
88b7 བྱང་ཆུབ་ཀྱི་སྙིང་པོའང་གཞན་དུ་འཇུག་པར་འགྱུར་རོ། །བཅོམ་ལྡན་འདས། བྱང་ཆུབ་ནི། གཉིས་ཀྱིས་རབ་ཏུ་ཕྱེ་བ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ
iiif viewer powered by OpenSeadragon
