| e-texts navigator |
| Wylie |
87b1 གཟུང་བར་བགྱིའོ། །བྱང་ཆུབ་སེམས་དཔའ་སྤྱོད་པ་རྣམ་དག་བློ་གྲོས་ཀྱིས་གསོལ་པ། །བཅོམ་ལྡན་འདས། །སེམས་ཅན་གྱི་དབང་པོ་ལ་མི་མཁས་ཤིང་སེམས་ཅན་གྱི་སྤྱོད་པའི་ཆོ
87b2 ག་མ་འཚལ་བས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། །བཅོམ་ལྡན་འདས། །བདག་གིས་སེམས་ཅན་གྱི་དབང་པོ་དང་། །སྤྱོད་པ་ཤེས་པ་ལ་ཞུགས་ལ་དམ་པའི་ཆོས་ཡོངས
87b3 སུ་གཟུང་བར་བགྱིའོ། །བྱང་ཆུབ་སེམས་དཔའ་བཀོད་པའི་རྒྱལ་པོས་གསོལ་པ། །བཅོམ་ལྡན་འདས། །ཆོས་ལ་ཡོངས་སུ་རྟོག་པའི་འདུ་ཤེས་དང་ལྡན་པ་བདག་དང་སེམས་ཅན་དང་ཆོས
87b4 ལ་གནས་པས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། །བཅོམ་ལྡན་འདས། །བདག་གིས་རྟོག་པ་དང་རྣམ་པར་རྟོག་པ་དང་ཡོངས་སུ་རྟོག་པ་ཐམས་ཅད་དང་བྲལ་ཞིང་འཁོར་གསུམ་ཡོངས་སུ་དག
87b5 ལ་བདག་དང་སེམས་ཅན་དང་ཆོས་ལ་མ་གནས་པར་བགྱིད་ཅིང་བཅོམ་ལྡན་འདས་ཀྱི་དམ་པའི་ཆོས་ཡོངས་སུ་གཟུང་བར་བགྱིའོ། །བྱང་ཆུབ་སེམས་དཔའ་སེངྒེའི་ཏོག་གིས་གསོལ་པ།
87b6 བཅོམ་ལྡན་འདས། །འཇིག་རྟེན་འདི་ནི། །འདི་ལྟ་སྟེ། །ཆོས་ཐམས་ཅད་མ་སྐྱེས་པ་དང་། །མ་བྱུང་བ་ལ་སྐྲག་པའོ། །བཅོམ་ལྡན་འདས། །བདག་གིས་ནི། །ཆོས་ཐམས
87b7 ཅད་མ་སྐྱེས་པ་དང་། །མ་བྱུང་བར་འཚལ་ནས་སྐྲག་པ་མ་མཆིས། །ཀུན་ཏུ་སྐྲག་པ་མ་མཆིས་ཤིང་ཆོས་གང་ལའང་ཉེ་བའམ་རིང་བར་མི་གནས་པས་བཅོམ་ལྡན་འདས་ཀྱི་དམ
iiif viewer powered by OpenSeadragon
