| e-texts navigator |
| Wylie |
87a1 ཐམས་ཅད་སྤངས་ལ་དོགས་པའི་ཟུག་རྔུ་ཐམས་ཅད་བསལ་བ་ཐོབ་པར་བགྱིས་ཏེ་དམ་པའི་ཆོས་ཡོངས་སུ་གཟུང་བར་བགྱིའོ། །བྱང་ཆུབ་སེམས་དཔའ་རྣམ་པར་སྣང་བྱེད་ཀྱིས
87a2 གསོལ་པ། བཅོམ་ལྡན་འདས། ཆོས་ལ་མི་གནས་ཤིང་སྒྲུབ་པ་ཉམས་པས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། །བཅོམ་ལྡན་འདས། །བདག་གིས་ཆོས་ལ་གནས་ཤིང
87a3 སྒྲུབ་པ་སྙིང་པོར་བགྱིས་ཏེ་སེམས་ཅན་རྣམས་ཡང་དག་པའི་ནན་ཏན་ལ་རབ་ཏུ་དགོད་ཅིང་དམ་པའི་ཆོས་ཡོངས་སུ་གཟུང་བར་བགྱིའོ། །བྱང་ཆུབ་སེམས་དཔའ་སྣང་བ་མཐོང
87a4 བོས་གསོལ་པ། །བཅོམ་ལྡན་འདས། །ཤེས་རབ་འཆལ་པ་ཆོས་ཀྱི་སྣང་བ་དང་བྲལ་བས་དམ་པའི་ཆོས་ཡོངས་སུ་གཟུང་བར་མི་ནུས་ཏེ། །བཅོམ་ལྡན་འདས།
87a5 བདག་གིས་ཤེས་རབ་ཀྱིས་རྣམ་པར་ངེས་པའི་ཡེ་ཤེས་ལ་མཁས་ཤིང་ཆོས་ཀྱི་སྣང་བ་དང་ལྡན་པས་དམ་པའི་ཆོས་ཡོངས་སུ་གཟུང་བར་བགྱིའོ། །བྱང་ཆུབ་སེམས
87a6 དཔའ་ཞེ་འགྲས་པ་མེད་པའི་བློ་གྲོས་ཀྱིས་གསོལ་པ། །བཅོམ་ལྡན་འདས། །ཞེ་འགྲས་པའི་སེམས་དང་། །སེམས་ཅན་རྗེས་སུ་མི་སྲུང་བའི་བློས་དམ་པའི་ཆོས་ཡོངས
87a7 སུ་གཟུང་བར་མི་ནུས་ཏེ། །བཅོམ་ལྡན་འདས། །བདག་གིས་ཞེ་འགྲས་པ་མ་མཆིས་པའི་སེམས་དང་། །སེམས་ཅན་རྗེས་སུ་སྲུང་བ་ལ་གནས་པས་དམ་པའི་ཆོས་ཡོངས་སུ
iiif viewer powered by OpenSeadragon
