| e-texts navigator |
| Wylie |
77a1 བའི་རྩ་བ་བསྐྱེད་པ་དང་། སྔོན་གྱི་རྒྱལ་བ་ལ་བསྙེན་བཀུར་བྱེད་པ་ཡིན་ནོ། །བློ་གྲོས་རྒྱ་མཚོ། མདོ་སྡེ་ཟབ་མོ་འཇིག་རྟེན་ཐམས་ཅད་དང་མི་མཐུན་པ
77a2 འདི་དག་རིག་ནས་འཆང་བ་དང་། འཛིན་པ་དང་། གཞན་དག་ལའང་རྒྱ་ཆེར་ཡང་དག་པར་རབ་ཏུ་སྟོན་པ་དེ་དང་། དེ་དག་ནི། དེ་བཞིན་གཤེགས་པའི་ཆོས་ཀྱི་མཛོད་འཛིན་པ
77a3 དག་གོ་། སེམས་ཅན་ཐམས་ཅད་ཀྱི་དགེ་བའི་ཕྱོགས་འཛིན་པ་དག་གོ་།བློ་གྲོས་རྒྱ་མཚོ། བྱང་ཆུབ་སེམས་དཔའ་གང་གིས་སངས་རྒྱས་ཀྱི་སྤྱན་གྱིས་གཟིགས་པའི་སངས་རྒྱས
77a4 ཀྱི་ཞིང་ཚད་མེད་པ་ཐམས་ཅད་རིན་པོ་ཆེ་ཐམས་ཅད་ཀྱིས་ཡོངས་སུ་བཀང་སྟེ་དེ་བཞིན་གཤེགས་པ་ལ་མཆོད་པའི་ལས་ཀྱི་ཕྱིར་དབུལ་བ་ཕུལ་ན། བློ་གྲོས་རྒྱ་མཚོ། འདི་ལ
77a5 ཇི་སྙམ་དུ་སེམས། བྱང་ཆུབ་སེམས་དཔའ་དེ་གཞི་དེ་ལས་བསོད་ནམས་མང་དུ་སྐྱེད་དམ། གསོལ་པ། བཅོམ་ལྡན་འདས། མང་ལགས་སོ། །བདེ་བར་གཤེགས་པ། ཚད
77a6 མ་མཆིས་པ་ལགས་སོ། །བསོད་ནམས་ཀྱི་ཕུང་པོ་དེ་ནི། ཇི་ཙམ་དུ་དཔེ་བགྱི་བར་སླ་བ་མ་ལགས་པ་དེ་ཙམ་དུ་བསོད་ནམས་ཀྱི་ཕུང་པོ་དེ་ཚད་མ་མཆིས་པར་འགྱུར་རོ། །
77a7 བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་རྒྱ་མཚོ། ཁྱོད་མོས་པར་བྱའོ། །ཁྱོད་ཀྱི་ཁོང་དུ་ཆུད་པར་བྱའོ། །གང་དེ་བཞིན་གཤེགས་པའི་བསྟན་པ་ཀུན་ཏུ་བསྲུང
iiif viewer powered by OpenSeadragon
