| e-texts navigator |
| Wylie |
76a1 ཀྱི་སྟོབས་དེ་དག་དང་ལྡན་ན། བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཟབ་མོ་དག་ལ་སྐྲག་པར་མི་འགྱུར་རོ། །དེ་ནས་བཅོམ་ལྡན་འདས་ཀྱིས་བྱང
76a2 ཆུབ་སེམས་དཔའ་བློ་གྲོས་རྒྱ་མཚོ་ལ་ལེགས་སོ། །ཞེས་བྱ་བ་ཡིན་ཏེ། བློ་གྲོས་རྒྱ་མཚོ། ཁྱོད་ཀྱིས་བྱང་ཆུབ་སེམས་དཔའ་རྣམས་ཀྱི་སྟོབས་དེ་དག་ལེགས་པར་བཤད་པ་ནི།
76a3 ལེགས་སོ་ལེགས་སོ། །སྟོབས་འདི་ལྟ་བུ་དང་ལྡན་པའི་བྱང་ཆུབ་སེམས་དཔའ་ནི། གང་ཐོས་ནས་སྐྲག་པར་འགྱུར་བའི་སངས་རྒྱས་ཀྱི་ཆོས་དེ་གང་ཡང་མེད་དོ། །བློ་གྲོས་རྒྱ
76a4 མཚོས་བསྟན་པའི་སྒྲ་དེ་དག་ཐམས་ཅད་ནི། འཇིགས་པའོ། །བྱང་ཆུབ་ཀྱི་དོན་དམ་པ་གང་ཡིན་པ་དེའང་བརྗོད་པར་མི་ནུས་སོ། །དེ་ཅིའི་ཕྱིར་ཞེ་ན། བརྗོད་དུ་མེད་པ་དེ་ནི།
76a5 བསྙད་དུ་མེད་པ་སྟེ། དེ་ལ་ཡི་གེ་རྣམས་ཀུན་ཏུ་མི་རྒྱུའོ། །དེ་ལ་ནི། སེམས་དང་སེམས་ལས་བྱུང་བའི་ཆོས་རྣམས་ཀྱང་ཀུན་ཏུ་མི་རྒྱུ་ན། ཡི་གེ་རྣམས་ཀུན་ཏུ་རྒྱུ་བར་འགྱུར
76a6 བ་ལྟ་སྨོས་ཀྱང་ཅི་དགོས། འདི་ལྟར་ཆོས་ཟབ་མོ་ཡི་གེ་མེད་པ། བསྙད་དུ་མེད་པ། བརྗོད་དུ་མེད་པ། སྨྲར་མེད་པ་འདི་ལྟ་བུ་མངོན་པར་རྫོགས་པར་སངས་རྒྱས་ཀྱང་ཡི་གེའི
76a7 རྣམ་པར་རིག་པས་སེམས་ཅན་གཞན་དག་དང་། གང་ཟག་གཞན་རྣམས་ལ་སྟོན་ཏེ། སེམས་ཅན་བསམ་གྱིས་མི་ཁྱབ་པ་དག་ལ་སངས་རྒྱས་བཅོམ་ལྡན་འདས་རྣམས་ཀྱི
iiif viewer powered by OpenSeadragon
