| e-texts navigator |
| Wylie |
75a1 འདི་ལྟ་སྟེ། དཔེར་ན། ནམ་མཁའ་ལ་ནམ་མཁའ་ཞེས་བསྟན་ཀྱང་ནམ་མཁའ་ལ་ཡང་དག་པར་ཡོངས་སུ་གྲུབ་པ་གང་ཡང་མེད་དོ། །ཚངས་པ། དེ་བཞིན་དུ་སངས
75a2 རྒྱས་ཀྱི་ཆོས་རྣམས་ལ་སངས་རྒྱས་ཀྱི་ཆོས་རྣམས་ཞེས་བསྟན་ཀྱང་སངས་རྒྱས་ཀྱི་ཆོས་རྣམས་ལ་ནི། ཡང་དག་པར་ཡོངས་སུ་གྲུབ་པ་གང་ཡང་མེད་དོ། །སྨྲས་པ། རིགས་ཀྱི་བུ།
75a3 བྱང་ཆུབ་སེམས་དཔའ་ལས་དང་པོ་པས་བསྟན་པ་འདི་ཐོས་ནས་སྐྲག་པར་མི་འགྱུར་གྱི། དེ་སངས་རྒྱས་ཀྱི་ཆོས་རྣམས་ཀྱི་ཆེད་དུ་གོ་ཆ་གྱོན་པ་ནི། ངོ་མཚར་ཏོ། །སྨྲས་པ།
75a4 ཚངས་པ། སངས་རྒྱས་ཀྱིས་བྱིན་གྱིས་བརླབས་པའི་སེམས་ཅན་རྣམས་བྱང་ཆུབ་ཏུ་སེམས་སྐྱེད་དེ། དེ་དག་སངས་རྒྱས་ཀྱི་ཆོས་ཟབ་མོ་ཐོས་ནས་སྐྲག་པར་མི་འགྱུར་རོ། །
75a5 ཚངས་པ། འཛིན་པ་དང་། མངོན་པར་ཞེན་པར་གྱུར་ན། སྐྲག་པར་འགྱུར་གྱི། འཛིན་པ་མེད་ཅིང་མངོན་པར་ཞེན་པ་མེད་ན། སྐྲག་པར་མི་འགྱུར་རོ། །གནས་དང་ཆགས
75a6 པར་གྱུར་ན། སྐྲག་པར་འགྱུར་གྱི། གནས་མེད་ཅིང་ཆགས་པ་མེད་ན། སྐྲག་པར་མི་འགྱུར་རོ། །ངར་འཛིན་པ་དང་། ང་ཡིར་འཛིན་པར་གྱུར་ན། སྐྲག་པར་འགྱུར་གྱི། ངར
75a7 འཛིན་པ་དང་། ང་ཡིར་འཛིན་པ་དང་བྲལ་ན། སྐྲག་པར་མི་འགྱུར་རོ། །སྨྲས་པ། སྟོབས་གང་དང་ལྡན་ན། བྱང་ཆུབ་སེམས་དཔའ་སངས་རྒྱས་ཀྱི་ཆོས་ཟབ་མོ་དག་ལ་སྐྲག
iiif viewer powered by OpenSeadragon
