| e-texts navigator |
| Wylie |
72b1 མཚོས་སྨྲས་པ། ཚངས་པ། ཁམས་གསུམ་གྱི་ངོ་བོ་ཉིད་ཀྱི་མཚན་མ་ཉིད་སངས་རྒྱས་ཀྱི་ཆོས་རྣམས་སོ། །དེ་ཅིའི་ཕྱིར་ཞེ་ན། ཚངས་པ། སངས་རྒྱས་ཀྱི་ཆོས་མཉམ་པ་ཉིད་ལ་ཐ་མའམ།
72b2 མཆོག་གང་ཡང་མེད་དོ། །ཚངས་པ། འདི་ལྟ་སྟེ། དཔེར་ན། ནམ་མཁའ་ལ་ནི། ཐ་མའམ། མཆོག་གང་ཡང་མེད་དོ། །ཚངས་པ། དེ་བཞིན་དུ་སངས་རྒྱས་ཀྱི་ཆོས་དེ་དག་ནི། ནམ
72b3 མཁའ་དང་མཉམ་སྟེ། དེ་དག་ལ་ཐ་མའམ། མཆོག་གང་ཡང་མེད་དོ། །ཚངས་པ། ཆོས་ཐམས་ཅད་ཀྱི་རང་བཞིན་གང་ཡིན་པ་ནི། ངོ་བོ་ཉིད་ཀྱིས་སྟོང་པ་ཉིད་དེ། དེ་ལའང་ཐ་མའམ།
72b4 མཆོག་གང་ཡང་མེད་དོ། །ཚངས་པ། སངས་རྒྱས་ཀྱི་ཆོས་ཁོང་དུ་ཆུད་པར་འདོད་པའི་རིགས་ཀྱི་བུའམ་རིགས་ཀྱི་བུ་མོས་རྟོགས་པས་མེད་པའི་ཚུལ་གྱིས་སངས་རྒྱས་ཀྱི་ཆོས་རྣམས་དེ་ལྟར
72b5 རྟོགས་པར་བྱའོ། །ཚངས་པ། གཞན་ཡང་སངས་རྒྱས་ཀྱི་ཆོས་རྣམས་ནི། ཡུལ་ན་མི་གནས་པ། ཕྱོགས་ན་མི་གནས་པ། མ་སྐྱེས་པ། མ་འགགས་པ། སྔོན་པོ་མ་ཡིན་པ། སེར་པོ་མ་ཡིན་པ།
72b6 དམར་པོ་མ་ཡིན་པ། དཀར་པོ་མ་ཡིན་པ། ལེ་བརྒན་མ་ཡིན་པ། ཤེལ་དང་དངུལ་གྱི་ཁ་དོག་ལྟ་བུ་མ་ཡིན་པ་དག་སྟེ། དེ་དག་ནི། ཁ་དོག་མེད་པ། དབྱིབས་མེད་པ། རྟགས་མེད་པ
72b7 དག་གོ་། དེ་དག་ནི་།མཚན་མ་མེད་པ་དག་གོ་།ཚངས་པ། མཚན་མ་མེད་པའི་དོན་ནི། སངས་རྒྱས་ཀྱི་ཆོས་ཀྱི་ཆོས་ཀྱི་དོན་ནོ། །སངས་རྒྱས་ཀྱི་ཆོས་ཀྱི་ཆོས་ཀྱི་དོན་ནི། འཆི་འཕོ
iiif viewer powered by OpenSeadragon
