| e-texts navigator |
| Wylie |
71a1 ནི་རྟོག་པ་ཡིན། །ཞི་གནས་ལྷག་མཐོང་དེ་ནི་སོ་སོར་རྟོག་།རིག་དང་རྣམ་གྲོལ་སྒྲུབ་པ་སྙིང་པོ་ཡིན། །རྩོམ་པ་འཇུག་པ་བརྟུལ་བ་སྤྱོད་པ་ཡིན། །སོ་སོར་རྟག
71a2 པ་སེམས་ནི་རབ་སྦྱངས་པ། །མཚན་མའི་སྤྱོད་ཡུལ་ཐམས་ཅད་གང་ལོག་པ། །དེ་ནི་སྒྲུབ་པའི་ཚུལ་དུ་བརྗོད་པ་ཡིན། །ལུས་དང་སེམས་ནི་རབ་ཏུ་སྦྱངས་པ་དང་། །རྒྱུ་དང་ལྟ
71a3 ལས་རབ་ཏུ་འདའ་བ་དང་། །མིང་དང་གཟུགས་ནི་ཡོངས་སུ་གང་ཤེས་པ། །དེ་ནི་བརྩོན་འགྲུས་མཆོག་ཅེས་འཕགས་པས་བསྔགས། །ང་དང་ང་ཡི་ཞེས་པ་ནམ་འགག་པ། །དེ་ཚེ
71a4 བཅིངས་པ་ཀུན་ལས་རྣམ་པར་གྲོལ། །ཀུན་ནས་ལྡང་མེད་སྒྲིབ་པ་ལྔ་ལས་གྲོལ། །མཁས་པ་ཐེ་ཚོམ་དང་ནི་འགྱོད་པ་སྤངས། །མདུད་པ་རྣམས་དང་ཟུག་རྡུ་བསལ་བ་གང་། །བསྒྲིབས
71a5 པ་མེད་ཅིང་རྒྱུན་ཆད་ཡོད་པ་མིན། །ང་རྒྱལ་མངོན་པའི་ང་རྒྱལ་གང་ཚེ་སྤངས། །དེ་ཚེ་བརྩོན་འགྲུས་སྟོབས་ཀྱིས་ལས་བྱས་ཡིན། །མཚན་མ་ཐམས་ཅད་སེལ་བ་གང་ཡིན་དང་། །
71a6 སྤྲོས་པ་ཐམས་ཅད་འཇུག་པ་མེད་པ་དང་། །ཉོན་མོངས་ཐམས་ཅད་སྤོང་བ་གང་ཡིན་པ། །བརྩོན་འགྲུས་དེ་ནི་མཁས་པ་རྣམས་ཀྱིས་བསྔགས། །བརྩོན་འགྲུས་འབར་བས་རབ
71a7 ཏུ་བསྔགས་པའི་ཚེ། །བརྩོན་འགྲུས་ཡོན་ཏན་འདི་དག་ཐོས་ནས་ནི། །གྲགས་པ་ཆེན་པོ་སྟོང་ཕྲག་བཅུ་ཀུན་གྱིས། །མི་སྐྱེའི་བཟོད་པ་རབ་ཏུ་ཐོབ་པར་འགྱུར། །འདི་ཐོས་ནས་ནི
iiif viewer powered by OpenSeadragon
