| e-texts navigator |
| Wylie |
70b1 དེ་ནི་སྙིང་རྗེ་ལྡན་པ་ཡིན། །དགའ་བ་ཆོས་ལ་སོ་སོར་རྟོག་པ་སྟེ། །བཏང་སྙོམས་ཡེ་ཤེས་སྒྲུབ་པར་བརྗོད་པ་ཡིན། །རྩོམ་པ་ཞིང་ནི་རྣམ་པར་སྦྱོང་བ་སྟེ། །རྟུལ་བ་མཚན་རྣམས
70b2 ཡོངས་སུ་རྫོགས་པར་བྱེད། །སོ་སོར་རྟོག་པ་དམ་ཆོས་ཡོངས་སུ་འཛིན། །སྒྲུབ་པ་སེམས་ཅན་ཡོངས་སུ་སྨིན་པར་བྱེད། །རྩོམ་པ་གང་ཡིན་ཕུང་པོའི་བདུད་སེལ་བ། །རྟུལ་བ་ཉོན
70b3 མོངས་བདུད་ནི་ཚར་གཅོད་པ། །སོ་སོར་རྟོག་པ་འཆི་བདག་ཚར་གཅོད་དེ། །སྙིང་པོ་སྒྲུབ་པ་བདུད་ཀྱིས་ཅི་བྱར་ཡོད། །རྩོམ་པ་སྡུག་བསྔལ་ཡོངས་སུ་ཤེས་པ་སྟེ། །སྲིད་པའི་གནས
70b4 མེད་འདི་ནི་རྟུལ་པ་ཡིན། །ལམ་སྒོམ་གང་ཡིན་དེ་ནི་སོ་སོར་རྟོག། འགོག་པ་ཤེས་པ་སྒྲུབ་པར་བརྗོད་པ་ཡིན། །རྩོམ་པ་ལུས་ལ་དྲན་པ་བཅིངས་པ་མེད། །རྟུལ་བ་ཚོར་པ་ལ་ནི
70b5 ལྟ་བ་མེད། །སེམས་ལ་དྲན་པ་འདི་ནི་སོ་སོར་རྟོག། ཆོས་ལ་དྲན་པ་སྒྲུབ་པ་དམ་པ་ཡིན། །རྩོམ་པ་དད་པའི་སྟོབས་དང་དེ་དབང་པོ། །རྟུལ་བ་བརྩོན་འགྲུས་སྟོབས་དང་མཐུ་ཡིན
70b6 ཏེ|་|དྲན་དང་ཏིང་འཛིན་དབང་པོ་སོ་སོར་རྟོག་། ཤེས་རབ་དབང་པོ་སྒྲུབ་པར་བརྗོད་པ་ཡིན། །རྩོམ་པ་མི་དགེ་རྣམ་པར་སྤོང་ཞེས་བརྗོད། །རྟུལ་བ་གང་ཡིན་དགེ་བ་ཆུད་མི
70b7 གསོན|་|ལུས་དང་སེམས་ཀྱང་གང་ཡིན་སོ་སོར་རྟོག་། སྒྲུབ་པ་རྫུ་འཕྲུལ་རྣམས་པར་འཕྲུལ་ཞེས་བརྗོད། །རྩམ་པ་མཁས་པར་བྱང་ཆུབ་ཡན་ལག་སྒོམ། །རྟུལ་བ་གང་ཚེ་ལམ
iiif viewer powered by OpenSeadragon
