| e-texts navigator |
| Wylie |
70a1 པོ་རྣམ་པར་སློང་། །ཐོས་ནས་ཆོས་ཉིད་ལ་ནི་སོ་སོར་རྟོག་།སྒྲུབ་པ་ཆོས་རྣམས་དང་ནི་འགལ་མི་བྱེད། །རྩོམ་པས་སངས་རྒྱས་བསྟན་ལ་རབ་ཏུ་འབྱུང་། །རྟུལ
70a2 བ་དགའ་བ་ཐམས་ཅད་སྤོང་བ་ཡིན། །དགེ་ལ་གནས་པ་གང་ཡིན་པ་སོ་སོར་རྟོག་།ཆོས་རྣམས་འགལ་བ་མེད་པ་སྒྲུབ་པ་ཡིན། །རྩོམ་པ་དགོན་པར་དགའ་བ་གང་ཐོབ་པ། །རྟུལ
70a3 བ་འདུ་འཛིན་རྣམ་པར་སློང་པ་ཡིན། །དབེན་པར་གནས་པར་དགའ་བ་སོ་སོར་རྟོག་།སྒྲུབ་པ་གང་ཡིན་ཉོན་མོངས་མེད་པར་གནས། །རྩོམ་པ་འདོད་པ་ཆུང་ཞིང་བཀའ་བློ་བདེ། །
70a4 རྟུལ་བ་དེ་ནི་ཆོག་ཤེས་གྱུར་པ་ཡིན། །ངེས་པར་གང་གྱུར་དེ་ནི་སོ་སོར་རྟོག་།སྒྲུབ་པ་གང་ཡིན་རུང་བའི་ཚོད་ཤེས་པ། །རྩོམ་པ་ལྷག་པའི་ཚུལ་ཁྲིམས་སློབ་ཅེས་བྱ། །རྟུལ་བའི
70a5 ཚུལ་ཁྲིམས་ལྷོད་པ་མེད་པ་ཡིན། །ལྷག་པའི་སེམས་སློབ་འདི་ནི་སོ་སོར་རྟོག་།ལྷག་པའི་ཤེས་རབ་སློབ་པ་སྒྲུབ་པ་མཆོག་།རྩོམ་པ་སྦྱིན་དང་དེ་བཞིན་ཚུལ་ཁྲིམས་ཡིན། །
70a6 རྟུལ་པ་བཟོད་དང་དེ་བཞིན་བརྩོན་འགྲུས་སོ། །སོ་སོར་རྟོག་འདི་བསམ་གཏན་ཤེས་རབ་སྟེ། །སྒྲུབ་པ་ཡེ་ཤེས་དང་ནི་དེ་བཞིན་ཐབས། །རྩོམ་པ་འཇིག་རྟེན་ཟང་ཟིང་ཆོས་སྦྱིན
70a7 པ|་|སྙན་པར་སྨྲ་བ་དེ་ནི་རྟུལ་བ་ཡིན། །དོན་སྤྱོད་གང་ཡིན་དེ་ནི་སོ་སོར་རྟོག་།སྒྲུབ་པ་དོན་མཐུན་པ་སྟེ་སྙིང་པོ་ཡིན། །རྩོམ་པ་གང་ཡིན་བྱམས་པ་ཡོངས་སུ་དག་།རྡུལ་བ
iiif viewer powered by OpenSeadragon
