| e-texts navigator |
| Wylie |
68b1 པ་བྱུང་། བསྐལ་པ་དེ་ལ་རྒྱལ་བ་གང་བྱུང་བ། །དེ་དག་བརྒྱད་ཁྲི་བཞི་སྟོང་ཐམ་པའོ། །འཇིག་རྟེན་ཁམས་ནི་དགའ་ལྡན་གནས་འདྲ་སྟེ། །མི་ཡི་བཟའ་དང་བཏུང་བ་བསམ་པས་འབྱེར།
68b2 བུད་མེད་ཡོད་མིན་མངལ་ན་གནས་པ་མིན། །སེམས་ཅན་ཐམས་ཅད་བརྫུས་ཏེ་སྐྱེ་བར་འགྱུར། །ཐེག་པ་དམན་པ་གྲགས་པར་མ་གྱུར་ཏེ། །ཐམས་ཅད་བདག་ཉིད་ཆེ་བའི་ཐེག་ཆེན་ཞུགས།
68b3 ཤིན་ཏུ་རྣམ་བལྟས་འཇིག་རྟེན་ཁམས་བལྟའི་ཕྱིར། །བྱང་ཆུབ་སེམས་དཔའ་ཕྱོགས་བཅུ་ནས་ལྷགས་པ། །དེ་དག་དགའ་བའི་རྣམ་པའི་ཏིང་འཛིན་ཐོབ་།སྔོན་ཆད་མ་མཐོང་བ་ཡི་བདེ
68b4 བ་མྱོང་། །རྐང་གཉིས་ཀྱི་ནི་ཚོགས་གྱུར་གྲགས་ཆེན་པོ། །བྱེ་བ་ཕྲག་ནི་སུམ་ཅུ་རྩ་དྲུག་ཡོད། །གཞན་ཡང་ལྷ་དང་མི་ནི་མང་པོ་དག་།སངས་རྒྱས་ཐེག་པ་མཆོག་ལ་ཞུགས་པར་གྱུར། །
68b5 ཡོན་ཏན་ཡེ་ཤེས་རྒྱ་མཚོ་དྲང་སྲོང་ཆེ། །དེ་ནི་བརྩོན་འགྲུས་བསྔགས་པ་ཡང་ཡང་བརྗོད། །དེ་ནས་བརྩོན་འགྲུས་བརྟན་པ་མཁས་པ་དེ། །ལངས་ནས་དོན་འདི་ཉིད་ནི་རྒྱལ་ལ་ཞུས། །
68b6 བྱང་ཆུབ་སེམས་དཔའ་བརྩོན་འགྲུས་བརྩམས་གྱུར་པ། །ཇི་ཙམ་གྱིས་ནི་བརྩོན་འགྲུས་སྟོབས་ལ་གནས། །དེ་དོན་བཅོམ་ལྡན་འདས་བདག་ལ་བཤད་དུ་གསོལ། །བདག་ནི་དེ་ལ་རབ་ཏུ་ནན
68b7 ཏན་བགྱིད། །དེ་ཡི་བསམ་པ་མཁྱེན་ནས་ཆོས་རྗེ་དེས། །བརྩོན་འགྲུས་ལས་བརྩམས་ཡོན་ཏན་རབ་གསུང་བ། །རྩོམ་པ་དང་ནི་དེ་བཞིན་རྟུལ་བ་དང་། །རྟག་ཏུ་སོ་སོར་རྟོག་དང་སྒྲུབ
iiif viewer powered by OpenSeadragon
