| e-texts navigator |
| Wylie |
67a1 པ་མེད་པའོ། །བརྩོན་འགྲུས་དེ་ནི། གང་བླང་བ་མེད་ཅིང་དོར་བ་མེད་པའོ། །བརྩོན་འགྲུས་དེ་ནི། གང་ལ་བཅིངས་པ་མེད་ཅིང་གྲོལ་བ་མེད་པའོ། །བརྩོན་འགྲུས
67a2 དེ་ནི|་གང་ལ་གནོད་པ་མེད་པ་དང་། ཕ་རོལ་གནོན་པ་མེད་པའོ། །བརྩོན་འགྲུས་དེ་ནི། གང་ལ་རྒྱགས་པ་མེད་པ་དང་། བག་མེད་པ་མ་ཡིན་པའོ། །བརྩོན་འགྲུས་དེ་ནི། གང
67a3 ལ་བྱ་བ་མེད་ཅིང་བྱེད་པ་པོ་མེད་པའོ། །བརྩོན་འགྲུས་དེ་ནི། གང་ལྟ་བར་མི་བྱེད་པ་དང་། རྣམ་པར་ལྟ་བར་མི་བྱེད་པའོ། །བརྩོན་འགྲུས་དེ་ནི། གང་ཞི་བར་མི་བྱེད་པ་དང་། རབ
67a4 ཏུ་ཞི་བར་མི་བྱེད་པའོ། །བརྩོན་འགྲུས་དེ་ནི། གང་སྲུང་བར་མི་བྱེད་པ་དང་། སྲུང་བ་དང་བྲལ་བ་མ་ཡིན་ནོ། །བརྩོན་འགྲུས་དེ་ནི། གང་ཀུན་ཏུ་མི་འོང་བ་དང་། འོང་བ་དང་བྲལ་བ
67a5 མ་ཡིན་པའོ། །བློ་གྲོས་རྒྱ་མཚོ། དེ་ལྟར་བཅོམ་ལྡན་འདས་དེ་བཞིན་གཤེགས་པ་བརྩོན་འགྲུས་འབར་བས་བརྩོན་འགྲུས་དང་རབ་ཏུ་ལྡན་པའི་གཏམ་འདི་དག་རྒྱ་ཆེར་ཡང
67a6 དག་པར་རབ་ཏུ་བཤད་པ་ན་སྲོག་ཆགས་ཁྲིས་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པར་གྱུར་ཏོ། །བྱང་ཆུབ་སེམས་དཔའ་གོ་ཆ་སྲ་བས་བཅོམ་ལྡན་འདས་དེ་ལས་བརྩོན
67a7 འགྲུས་བསྟན་པ་དེ་ཐོས་ནས་དགེ་བའི་ཆོས་ཡོངས་སུ་བཙལ་བ་ལ་མངོན་པར་བརྩོན་ཏེ། བརྩོན་འགྲུས་བརྩམས་ནས་གནས་པར་གྱུར་ཏོ། །དེ་བརྩོན་འགྲུས་བརྩམས་ཏེ
iiif viewer powered by OpenSeadragon
