| e-texts navigator |
| Wylie |
66a1 བ་མེད་པའི་རྫུ་འཕྲུལ་རབ་ཏུ་ཐོབ་པར་བྱེད་པའོ། །གཞན་ཡང་རྩོམ་པ་ནི། བྱང་ཆུབ་ཀྱི་ཡན་ལག་རྣམས་ལའོ། །རྟུལ་བ་ནི། ལམ་ལའོ། །སོ་སོར་རྟོག་པ
66a2 ནི|་ཞི་གནས་དང་། ལྷག་མཐོང་ལའོ། །སྒྲུབ་པ་ནི། རེག་པ་དང་། རྣམ་པར་གྲོལ་བ་ལའོ། །གཞན་ཡང་རྩོམ་པ་ནི། འཇུག་པའི་སྤྱོད་པའོ། །རྟུལ་བ་ནི། དཀར་པོ་རྣམ་པར་མཐོང
66a3 བའི་སྤྱོད་པའོ། །སོ་སོར་རྟོག་པ་ནི། སེམས་ཤིན་ཏུ་སྦྱངས་པའོ། །སྒྲུབ་པ་ནི། ཕྱིར་མི་ལྡོག་པའི་ཡེ་ཤེས་སོ། །བློ་གྲོས་རྒྱ་མཚོ། གཞན་ཡང་བཅོམ་ལྡན་འདས་དེ་བཞིན
66a4 གཤེགས་པ་བརྩོན་འགྲུས་འབར་བ་དེས་བྱང་ཆུབ་སེམས་དཔའ་གོ་ཆ་སྲ་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། བརྩོན་འགྲུས་དེ་ནི། གང་ལུས་དང་། སེམས
66a5 ཡོངས་སུ་སྦྱངས་པའོ། །བརྩོན་འགྲུས་དེ་ནི། གང་རྒྱུ་དང་། ལྟ་བ་དང་བྲལ་བའོ། །བརྩོན་འགྲུས་དེ་ནི། གང་མིང་དང་། གཟུགས་ཡོངས་སུ་ཤེས་པའོ། །བརྩོན་འགྲུས་དེ་ནི།
66a6 གང་ངར་འཛིན་པ་དང་། ང་ཡིར་འཛིན་པ་འགོག་པའོ། །བརྩོན་འགྲུས་དེ་ནི། གང་འཛིན་པ་དང་། འཆིང་བ་འདོར་བའོ། །བརྩོན་འགྲུས་དེ་ནི། གང་སྒྲིབ་པ་རྣམས་དང་། ཀུན
66a7 ནས་ལྡང་བ་རྣམས་རྣམ་པར་སེལ་བའོ། །བརྩོན་འགྲུས་དེ་ནི། གང་འགྱོད་པ་དང་། ཐེ་ཚོམ་སྤོང་བའོ། །བརྩོན་འགྲུས་དེ་ནི། གང་མདུད་པ་རྣམས་དང་། ཟུག་རྡུ་རྣམས་ཡང
iiif viewer powered by OpenSeadragon
