| e-texts navigator |
| Wylie |
65b1 བཏང་སྙོམས་ཆེན་པོའོ། །གཞན་ཡང་རྩོམ་པ་ནི། ཞིང་ཡོངས་སུ་དག་པར་བྱེད་པའོ། །རྟུལ་བ་ནི། མཚན་དང་དཔེ་བྱད་བཟང་པོ་ཡོངས་སུ་རྫོགས་པར་བྱེད་པའོ། །སོ་སོར་རྟོག་པ་ནི།
65b2 དམ་པའི་ཆོས་ཡོངས་སུ་འཛིན་པའོ། །སྒྲུབ་པ་ནི། སེམས་ཅན་ཡོངས་སུ་སྨིན་པར་བྱེད་པའོ། །གཞན་ཡང་རྩོམ་པ་ནི། ཕུང་པོའི་བདུད་ཡོངས་སུ་ཤེས་པའོ། །རྟུལ་བ་ནི། ཉོན་མོངས
65b3 པའི་བདུད་ལས་ཤིན་ཏུ་འདའོ། །སོ་སོར་རྟོག་པ་ནི། འཆི་བདག་གི་བདུད་རྣམ་པར་སྤོང་བའོ། །སྒྲུབ་པ་ནི། ལྷའི་བུའི་བདུད་ཕམ་བར་བྱེད་པའོ། །གཞན་ཡང་རྩོམ་པ་ནི། སྡུག་བསྔལ
65b4 ཡོངས་སུ་ཤེས་པའོ། །རྟུལ་བ་ནི། ཀུན་འབྱུང་བ་སྤོང་བའོ། །སོ་སོར་རྟོག་པ་ནི། ལམ་སྒོམ་པའོ། །སྒྲུབ་པ་ནི། འགོག་པ་མངོན་སུམ་དུ་བྱེད་པའོ། །གཞན་ཡང་རྩོམ་པ་ནི། ལུས་ལ
65b5 ཞུགས་པའི་དྲན་པའོ། །རྟུལ་བ་ནི། ཚོར་བ་ལ་ཞུགས་པའི་དྲན་པའོ། །སོ་སོར་རྟོག་པ་ནི། སེམས་ལ་ཞུགས་པའི་དྲན་པའོ། །སྒྲུབ་པ་ནི། ཆོས་ལ་ཞུགས་པའི་དྲན་པའོ། །གཞན
65b6 ཡང་རྩོམ་པ་ནི། དད་པའོ། །རྟུལ་བ་ནི། བརྩོན་འགྲུས་སོ། །སོ་སོར་རྟོག་པ་ནི། དྲན་པ་དང་། ཏིང་ངེ་འཛིན་ཏོ། །སྒྲུབ་པ་ནི། ཤེས་རབ་བོ། །གཞན་ཡང་རྩོམ་པ་ནི། མི་དགེ་བའི
65b7 ཆོས་སྤོང་བའོ། །རྟུལ་བ་ནི། དགེ་བའི་ཆོས་ཡོངས་སུ་རྫོགས་པར་བྱེད་པའོ། །སོ་སོར་རྟོག་པ་ནི། ལུས་དང་སེམས་ལས་སུ་རུང་བར་བྱེད་པའོ། །སྒྲུབ་པ་ནི། མངོན་པར་འདུ་བྱ
iiif viewer powered by OpenSeadragon
