| e-texts navigator |
| Wylie |
65a1 ལུས་པར་ཡེ་ཤེས་རབ་ཏུ་ཐོབ་པའོ། །གཞན་ཡང་རྩོམ་པ་ནི། དགོན་པ་ལ་གནས་པའོ། །རྟུལ་བ་ནི། འདུ་འཛིན་ལ་མི་དགའ་བའོ། །སོ་སོར་རྟོག་པ་ནི། དབེན་པར
65a2 གནས་པ་ལ་དགའ་བའོ། །སྒྲུབ་པ་ནི། ཉོན་མོངས་པ་མེད་པར་གནས་པའོ། །གཞན་ཡང་རྩོམ་པ་ནི། འདོད་པ་ཆུང་བའོ། །རྟུལ་བ་ནི། ཆོག་ཤེས་པའོ། །སོ་སོར་རྟོག་པ་ནི། དགང་སླ་བའོ། །
65a3 སྒྲུབ་པ་ནི། རུང་བ་ལ་ཚོད་ཤེས་པའོ། །གཞན་ཡང་རྩོམ་པ་ནི། ལྷག་པའི་ཚུལ་ཁྲིམས་ལ་སློབ་པའོ། །རྟུལ་བ་ནི། ཚུལ་ཁྲིམས་མི་ལྷོད་པའོ། །སོ་སོར་རྟོག་པ་ནི། ལྷག་པའི་སེམས
65a4 ལ་སློབ་པའོ། །སྒྲུབ་པ་ནི། ལྷག་པའི་ཤེས་རབ་ལ་སློབ་པའོ། །གཞན་ཡང་རྩོམ་པ་ནི། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྟུལ་བ་ནི། བཟོད
65a5 པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སོ་སོར་རྟོག་པ་ནི། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའོ། །སྒྲུབ་པ
65a6 ནི|་ཡེ་ཤེས་ཀྱི་ཕ་རོལ་ཏུ་ཕྱིན་པ་དང་། ཐབས་ལ་མཁས་པའི་ཕ་རོལ་ཏུ་ཕྱིན་པའོ། །གཞན་ཡང་རྩོམ་པ་ནི། སྦྱིན་པའོ། །རྟུལ་བ་ནི། སྙན་པར་སྨྲ་བའོ། །སོ་སོར་རྟོག་པ་ནི། དོན
65a7 བྱེད་པའོ། །སྒྲུབ་པ་ནི། དོན་མཐུན་པའོ། །གཞན་ཡང་རྩོམ་པ་ནི། བྱམས་པ་ཆེན་པོའོ། །རྟུལ་བ་ནི། སྙིང་རྗེ་ཆེན་པོའོ། །སོ་སོར་རྟོག་པ་ནི། དགའ་བ་ཆེན་པོའོ། །སྒྲུབ་པ་ནི།
iiif viewer powered by OpenSeadragon
