| e-texts navigator |
| Wylie |
64a1 གཞན་ཡང་རྩོམ་པ་ནི། ཆོས་ཀྱི་ལོངས་སྤྱོད་ཡོངས་སུ་ཚོལ་བའོ། །རྟུལ་བ་ནི། འཚོ་བ་ཡོངས་སུ་དག་པའོ། །སོ་སོར་རྟོག་པ་ནི། བདག་གིས་སྙིང་པོ་བླང
64a2 པར་འགྱུར་རོ་སྙམ་པའོ། །སྒྲུབ་པ་ནི། སྦྱིན་པས་རློམ་སེམས་སུ་མི་བྱེད་པའོ། །གཞན་ཡང་རྩོམ་པ་ནི། འཆལ་བའི་ཚུལ་ཁྲིམས་ཀྱི་དྲི་མ་སེལ་བའོ། །རྟུལ་བ་ནི། ཚུལ་ཁྲིམས
64a3 དང་བརྟུལ་ཞུགས་མ་ཉམས་པའོ། །སོ་སོར་རྟོག་པ་ནི། ཚུལ་ཁྲིམས་འཆལ་པའི་སེམས་ཅན་ཡོངས་སུ་སྨིན་པར་བྱེད་པའོ། །སྒྲུབ་པ་ནི། ཚུལ་ཁྲིམས་ཀྱི་ཡོན་ཏན་གྱིས་རློམ་སེམས
64a4 སུ་མི་བྱེད་པའོ། །གཞན་ཡང་རྩོམ་པ་ནི། ལུས་ཡོངས་སུ་དག་པའོ། །རྟུལ་བ་ནི། ངག་ཡོངས་སུ་དག་པའོ། །སོ་སོར་རྟོག་པ་ནི། སེམས་ཡོངས་སུ་དག་པའོ། །སྒྲུབ་པ་ནི་།ཆོས
64a5 ཡོངས་སུ་དག་པའོ། །གཞན་ཡང་རྩོམ་པ་ནི། གནོད་སེམས་ཀྱི་སེམས་ཀྱི་སྐབས་མེད་པའོ། །རྟུལ་བ་ནི། བཟོད་པའི་སྟོབས་རྣམས་རྣམ་པར་དག་པའོ། །སོ་སོར་རྟོག་པ་ནི།
64a6 བདག་དང་གཞན་སྲུང་བའོ། །སྒྲུབ་པ་ནི། བཟོད་པའི་རློམ་སེམས་སུ་མི་བྱེད་པའོ། །གཞན་ཡང་རྩོམ་པ་ནི། གཤེ་བ་དང་། སྡང་བ་དང་པར་བྱེད་པའོ། །རྟུལ་བ་ནི། གཤེ་བ
64a7 དང་། སྡང་བ་འདྲིས་པར་མི་བྱེད་པའོ། །སོ་སོར་རྟོག་པ་ནི། ནང་ཡོངས་སུ་གདུང་བ་མེད་པར་བྱེད་པའོ། །སྒྲུབ་པ་ནི། བདག་དང་གཞན་མི་དམིགས་པའོ། །གཞན་ཡང་རྩོམ་པ
iiif viewer powered by OpenSeadragon
