| e-texts navigator |
| Wylie |
58b1 དེ་ཕྱིས་ཉན་ཐོས་དང་། རང་སངས་རྒྱས་ཐམས་ཅད་ལ་རེ་བར་མི་བྱེད་དོ། །ཤཱ་ར་དྭ་ཏིའི་བུ། འདི་ལྟ་སྟེ། དཔེར་ན། བ་ལང་གི་རྗེས་ཀྱི་ཆུ་ལས་རིན་པོ་ཆེ་ཐམས་ཅད་མི་འབྱུང་ངོ་། །ཤཱ་ར་དྭ་ཏིའི
58b2 བུ|་དེ་བཞིན་དུ་ཉན་ཐོས་ཀྱི་ཚུལ་ཁྲིམས་ལས་དཀོན་མཆོག་གསུམ་པོ་དག་མི་འབྱུང་ངོ་། །ཤཱ་ར་དྭ་ཏིའི་བུ། འདི་ལྟ་སྟེ། དཔེར་ན། རྒྱ་མཚོ་ཆེན་པོ་ལས་རིན་པོ་ཆེ་ཐམས་ཅད་འབྱུང་ངོ་། །
58b3 ཤཱ་ར་དྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་ཚུལ་ཁྲིམས་དང་། ཐོས་པའི་རྒྱ་མཚོ་ལས་སངས་རྒྱས་དཀོན་མཆོག་དང་། ཆོས་དཀོན་མཆོག་དང་། དགེ་འདུན་དཀོན་མཆོག་སྟེ། དཀོན
58b4 མཆོག་གསུམ་པོ་དག་འབྱུང་ངོ་། །ཤཱ་ར་དྭ་ཏིའི་བུ། འདི་ལྟ་སྟེ་། དཔེར་ན། རྒྱལ་པོའི་བུ་བཙས་ནས་རིང་པོ་མ་ལོན་པ་ནི། རྒྱལ་པོ་ཞེའམ། རྒྱལ་པོ་མ་ཡིན་པ་ཞེས་ཀྱང་མི་བརྗོད་དོ། །ཤཱ
58b5 ར་དྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་ལས་དང་པོ་པ་ལའང་སངས་རྒྱས་ཞེའམ། སངས་རྒྱས་མ་ཡིན་པ་ཞེས་ཀྱང་མི་བརྗོད་དོ། །ཤཱ་ར་དྭ་ཏིའི་བུ། འདི་ལྟ་སྟེ། དཔེར་ན། ནོར་བུ
58b6 རིན་པོ་ཆེ་བྱི་དོར་མ་བྱས་པ་ལ་ནི། མངོན་པར་འདུ་བྱ་བར་མི་འགྱུར་རོ། །ཤཱ་ར་དྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་ལས་དང་པོ་པ་ཆོས་བསྟན་པ་ལ་འཇིགས་པ་མེད་པ་མ་ཡིན
58b7 ནོ|་|བུ་ར་དྭ་རིའི་བུ། འདི་ལྟ་སྟེ། དཔེར་ན། ནོར་བུ་རིན་ཆེ་བྱི་དོར་བྱས་ཏེ་འོད་གསལ་བ་ནི། དགའ་བ་ཡང་དག་པར་སྐྱེད་པ་ཡིན་ནོ། །ཤཱ་ར་དྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ
iiif viewer powered by OpenSeadragon
