| e-texts navigator |
| Wylie |
47b1 སེམས་སུ་མི་བྱེད་པ་དེ་མངོན་པར་རློམ་སེམས་སུ་མི་བྱེད་དོ། །གང་མངོན་པར་རློམ་སེམས་སུ་མི་བྱེད་པ་དེ་མི་རྩོད་དོ། །གང་མི་རྩོད་པ་དེ་ཀུན་ཏུ་མི་འབར་རོ། །གང་ཀུན་ཏུ་མི་འབར
47b2 བ་དེ་ཀུན་ཏུ་གདུང་བ་མ་ཡིན་ནོ། །ཀུན་ཏུ་གདུང་བ་མ་ཡིན་པ་དེ་རབ་ཏུ་འབར་བ་མ་ཡིན་ནོ། །གང་རབ་ཏུ་འབར་བ་མ་ཡིན་པ་དེ་ཞི་བའོ། །ཞི་བ་གང་ཡིན་པ་དེ་རབ་ཏུ་ཞི་བའོ། །རབ་ཏུ་ཞི
47b3 བ་གང་ཡིན་པ་དེ་ཉེ་བར་ཞི་བའོ། །ཉེ་བར་ཞི་བ་གང་ཡིན་པ་དེ་ཐུབ་པ་ཞེས་བྱའོ། །སྟོན་པ་ཞེས་བྱའོ། །བློ་གྲོས་རྒྱ་མཚོ། ཆོས་འདི་དག་ནི། འདི་ལྟར་ཟབ་པའོ། །འདི་ལྟར་བལྟ་དཀའ
47b4 པའོ|་|འདི་ལྟར་རྟོགས་པར་དཀའ་བའོ། །གང་དག་གིས་ཆོས་འདི་དག་ཐོས་ནས་མོས་པར་བྱེད་པ་དེ་དག་ཐམས་ཅད་ཕྱིན་ཅི་ལོག་དང་། ཉེ་བའི་ཉོན་མོངས་པ་དང་། ཡོངས་སུ་འཛིན
47b5 པ་དང་། འཆིང་བ་ཐམས་ཅད་ལས་རྣམ་པར་གྲོལ་ཏེ། འདི་དག་ནི། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་མཛོད་འཛིན
47b6 པ་དག་གོ་། དེ་དང་དེ་དག་ནི། དེད་དཔོན་ཆེན་པོ་སྟེ། སེམས་ཅན་ཐམས་ཅད་ལ་ལམ་ཆད་མེད་པ་སྟོན་པ་དག་གོ་།དེ་དང་དེ་དག་ནི། སྨན་པའི་རྒྱལ་པོ་སྟེ། ཉོན་མོངས་པ་གཟུགས་ཅན
47b7 མ་ཡིན་པའི་ནད་ལས་རབ་ཏུ་ཐར་པར་བྱེད་པ་དག་གོ། དེ་དང་དེ་དག་ནི། མཆོད་པས་མཆོག་གིས་དེ་བཞིན་གཤེགས་པ་ལ་མཆོད་པར་བྱེད་པ་དག་སྟེ། དེ་དག་ནི། རིང་པོར་མི་ཐོགས
iiif viewer powered by OpenSeadragon
