| e-texts navigator |
| Wylie |
36b1 ལ་ཚིག་འཁྲུལ་པའི་སྐྱོན་དེ་དག་གང་ཞེ་ན། བློ་གྲོས་རྒྱ་མཚོ། བྱང་ཆུབ་སེམས་དཔའ་ནི། ཚིག་འཁྲུལ་བའི་སྐྱོན་དྲུག་ཅུ་རྩ་བཞི་དང་བྲལ་ཞིང་རྣམ་པར་སྤངས་པར་ངག་གི་ལས
36b2 འབྱུང་སྟེ། དྲུག་ཅུ་རྩ་བཞི་གང་ཞེ་ན། བློ་གྲོས་རྒྱ་མཚོ། འདི་ལ་བྱང་ཆུབ་སེམས་དཔའ་ནི། ཚིག་རྩུ་བ་པོ་མེད་པ་ཡིན། ཚིག་རྙོག་པ་མེད་པ་ཡིན། གྱོ་མོའི་སྒྲ་ལྟ་བུ་མེད་པ་ཡིན།
36b3 གྲུམ་པའི་སྒྲ་ལྟ་བུ་མེད་པ་ཡིན། སྒྲ་ཧ་ཅང་ཆེ་བ་མ་ཡིན། སྒྲ་ཧ་ཅང་ཆུང་བ་མ་ཡིན། སྒྲ་ཧ་ཅང་དྲག་པོ་མ་ཡིན། ཚིག་བརླང་པོ་མེད་པ་ཡིན། ཚིག་རིབ་རིབ་པོ་མེད་པ་ཡིན། ཚིག
36b4 ཅལ་ཅོལ་མེད་པ་ཡིན། ཚིག་རྟབ་རྟབ་པོ་མེད་པ་ཡིན། ཁས་བུབ་པའི་ཚིག་ལྟ་བུ་མེད་པ་ཡིན། ཚིག་ཉམས་པ་མེད་པ་ཡིན། ཟུར་དབྱུང་དགོས་པའི་ཚིག་མེད་པ་ཡིན། ཚིག་ཞུམ
36b5 པ་མེད་པ་ཡིན། ཚིག་སུབ་སུབ་མེད་པ་ཡིན། བྱིས་པའི་ཚིག་ལྟ་བུ་མེད་པ་ཡིན། ཚིག་ནོག་ནོག་པོ་མེད་པ་ཡིན། འབར་བར་བྱེད་པའི་ཚིག་མེད་པ་ཡིན། ཅོ་འདྲི་བའི་ཚིག་མེད་པ
36b6 ཡིན། དུས་མི་ཤེས་པའི་ཚིག་མེད་པ་ཡིན། ཚོད་མི་ཤེས་པའི་ཚིག་མེད་བ་ཡིན། འདོད་ཆགས་ཀྱིས་རྗེས་སུ་ཆགས་པའི་ཚིག་མེད་པ་ཡིན། ཞེས་དང་གིས་ཞེ་འགྲས་པའི་ཚིག་མེད
36b7 པ་ཡིན|་གཏི་མུག་གིས་རྨོངས་ཤིང་ལྐུགས་པའི་ཚིག་མེད་པ་ཡིན། དམན་པའི་ཚིག་མེད་པ་ཡིན། མི་མཐུན་པ་དང་བརྙས་པའི་ཚིག་མེད་པ་ཡིན། འབྱེར་བར་བྱེད་པའི་ཚིག
iiif viewer powered by OpenSeadragon
