| e-texts navigator |
| Wylie |
34b1 བཀའ་སྩལ་པ། བློ་གྲོས་རྒྱ་མཚོ། །དེ་ལྟར་ན། གང་གི་ཆེ་བྱང་ཆུབ་སེམས་དཔའ་སེམས་དཔའ་ཆེན་པོ་དག་པ་དང་། ཡོངས་སུ་དག་པར་འགྱུར་ཏེ། བསམ་པ་བཅོས་མ་མ་ཡིན་ཞིང
34b2 སེམས་ཅན་ཐམས་ཅད་ཀྱིས་གནོད་པར་བྱས་ཀྱང་ཞེ་འགྲས་པ་མེད་ལ། ཤིན་ཏུ་ངེས་པར་ཕགས་པའི་ཡེ་ཤེས་སུ་གྱུར་ཅིང་། ཤེས་རབ་རྣམ་པར་གདོན་མི་ཟ་བ་ཐོབ་པ་དེའི་ཚེ་ཤིན
34b3 ཏུ་དཀར་བ་དྲི་མ་མེད་པའི་ཕྱག་རྒྱའི་ཏིང་ངེ་འཛིན་གྱི་རྩ་བའི་གནས་ལ་རབ་ཏུ་གནས་པ་ཡིན་ནོ། །དེ་ལ་ཏིང་ངེ་འཛིན་འདིའི་རྩ་བའི་གནས་གང་ཞེ་ན། འདི་ལྟ་སྟེ། སེམས་ཅན་ཐམས
34b4 ཅད་ལ་ཞེ་སྡང་མེད་པའི་སྙིང་རྗེ་ཆེན་པོའོ། །དེ་སེམས་ཅན་ཐམས་ཅད་ཀྱིས་བསྟི་སྟང་དུ་བྱས་ཀྱང་ཁེངས་པར་མི་འགྱུར། སེམས་ཅན་ཐམས་ཅད་ཀྱིས་བསྟི་སྟང་དུ་མ་བྱས་ཀྱང
34b5 དུད་པར་མི་འགྱུར་རོ། །ཁངས་པ་མེད་པ་དང་། དུད་པ་མེད་པ་དེ་ནི། ཤེས་པ་ལ་ངེས་པར་བྱུང་བ་ཡིན་གྱི། ང་རྒྱལ་ངེས་པར་བྱུང་བ་ནི། མ་ཡིན་ནོ། །ཁེངས་པ་མེད་པ་དང་། དུད་པ
34b6 མེད་པ་དེ་ནི། ཆོས་དང་ལྡན་པ་ཡིན་གྱི། གཏི་མུག་དང་ལྡན་པ་ནི། མ་ཡིན་ནོ། །ཆོས་ཐམས་ཅད་ཤེས་པ་ལས་ངེས་པར་བྱུང་བས་ཡེ་ཤེས་སྔོན་དུ་འགྲོ་བའི་ལུས་ཀྱི་ལས་དང་ལྡན་པ
34b7 ཡིན། ཡེ་ཤེས་སྔོན་དུ་འགྲོ་བའི་ངག་གི་ལས་དང་ལྡན་པ་ཡིན། ཡེ་ཤེས་སྔོན་དུ་འགྲོ་བའི་ཡིད་ཀྱི་ལས་དང་ལྡན་པ་ཡིན་ཏེ། དེ་ལུས་སམ། ངག་གམ། ཡིད་ཀྱི་ལས་གང་བྱེད་ཀྱང་དེ
iiif viewer powered by OpenSeadragon
