| e-texts navigator |
| Wylie |
27b1 བྱང་ཆུབ་ཡིད་ལ་བྱས་ན་གནོད་འདི་དག་པར་འགྱུར། །འགྲེང་ངམ་འདུག་གམ་འཆག་གམ་འོན་ཏེ་ཉལ་ཡང་རུང་། །གང་དུ་བྱང་ཆུབ་སེམས་མཆོག་འདི་དང་སྦྱིན་པ་དང་། །དུལ་བའི
27b2 སེམས་དང་གཞན་ཡང་དཀར་སེམས་མི་འདོར་བ། །དེར་ནི་དེའི་ལུས་དུམ་བུ་དུམ་བུར་རྣམ་པར་འཐོར། །སེམས་དམྱལ་དུད་འགྲོའི་སྐྱེ་གནས་ཡི་དྭགས་འཇིག་རྟེན་མིར། །བསྐལ་པ་བརྒྱ
27b3 ཕྲག་མཐའ་ཡས་དོན་མེད་ལུས་ཀྱང་གཏུབས། །སངས་རྒྱས་ཡེ་ཤེས་མངོན་པར་འདོད་པས་ལུས་འདོར་ཞེས། །སྐྱེས་བུ་དེས་ནི་ཡིད་ཀྱང་ཡང་དག་ཚིམ་པར་བྱེད། །མི་ཡི་སྡུག་བསྔལ་རྒྱུ
27b4 ནི་རྣམ་པ་དུ་མ་དག་། མཚམས་མེད་སྡུག་བསྔལ་རྒྱ་ཆེར་ཉེ་བར་མི་འགྲོ་བའི། །དམྱལ་བ་རྣམས་སུ་བསྐལ་པ་བརྒྱར་ནི་གནས་པར་སྤྲོ། །རྒྱལ་བ་དང་ནི་ཆོས་དང་སེམས་ཅན་མི་གཏོང
27b5 ངོ་། །བདག་ལུས་མི་རྟག་རིང་དུ་མི་ཐུབ་སྒྱུ་མ་འདྲ། །ཁམས་བཞི་དེ་དག་གདུག་པའི་སྤྲུལ་དང་འདྲ་བར་གསུངས། །བདག་གིས་ལུས་པོར་བྱས་ཏེ་དུག་མེད་འགྱུར་བར་བྱ། །ཉོན་མོངས
27b6 དུག་ཞི་ནས་ནི་རང་བྱུང་སངས་རྒྱས་འགྱུར། །སྲིད་གསུམ་འཇིག་རྟེན་འདི་ན་ལུས་བདེ་འགྱུར་བའི་གཞི། །འདོད་པའི་ཟས་རྒྱུ་ཅུང་ཟད་ཇི་སྙེད་འཇིགས་པ་སྟེ། །བདག་གིས་ལུས་བཏང
27b7 འཇིགས་པ་མེད་པར་འགྱུར་བར་བྱ། །བགྲང་བ་འདི་ལ་ཞུགས་པ་དེ་དག་གནོད་པ་བཟོད། །ནག་པོའི་ཕྱོགས་ལ་གྲོགས་ནི་བརྒྱ་སྟོང་ཕྲག་ཀྱང་མང་། །དཀར་པོའི་ཕྱོགས་ནི་གང་ལའང
iiif viewer powered by OpenSeadragon
