| e-texts navigator |
| Wylie |
24a1 སྒྱུ་མའི་ཆོས་ཉིད་དུ་འཇུག་པ་དང་། ཡང་དག་པར་ན་མི་རྟག་པ་ཉིད་དང་། ཡང་དག་པར་ན་སྡུག་བསྔལ་བ་ཉིད་དང་། ཡང་དག་པར་ན་བདག་མེད་པ་ཉིད་དང་།
24a2 ཡང་དག་པར་ན་ཞི་བ་ཉིད་དུ་ལུས་ལ་རྟོག་པ་འདི་ནི། དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །བློ་གྲོས་རྒྱ་མཚོ། དེ་ལྟར་ན། ཐབས་ལ་མཁས་པའི་བྱང་ཆུབ་སེམས་དཔའི་ལུས
24a3 གཅོད་པ་ན་ཕ་རོལ་ཏུ་ཕྱིན་པ་དྲུག་སྒོམ་པ་ཡོངས་སུ་རྫོགས་པར་འགྱུར་ཞིང་ཐེག་པ་ཆེན་པོ་དེ་ལས་ཉམས་པར་མི་འགྱུར་ཏེ། འདི་ནི། བྱང་ཆུབ་སེམས་དཔའི་ལུས་ཀྱི་གནོད་པ
24a4 བཟོད་པའོ། །བློ་གྲོས་རྒྱ་མཚོ། དེ་ལ་བྱང་ཆུབ་སེམས་དཔའི་ངག་གི་གནོད་པ་བཟོད་པ་གང་ཞེ་ན། གང་དན་དུ་བརྗོད་པའི་ཚིག་ཐམས་ཅད་དང་དུ་ལེན་པ་དང་། གཤེ་བ་དང་།
24a5 སྡིགས་པ་དང་། སྨད་པ་དང་། བཤུང་བ་དང་། སྡིགས་མོ་བྱེད་པ་ཐམས་ཅད་བཟོད་པ་དང་། ཡོད་པའམ། མེད་པས་གླེང་བས་ཀྱང་མི་ཁྲོ་བ་དང་། འཁོན་དུ་མི་འཛིན་པ་དང་།
24a6 བག་ལ་ཉལ་སྤོང་བའོ། །བློ་གྲོས་རྒྱ་མཚོ། དེ་ལ་ཐབས་མཁས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ངན་དུ་བརྗོད་པ་དང་། ངན་དུ་སྨྲས་པའི་ཚིག་གི་ལམ་དང་།
24a7 གཤེ་བ་དང་། སྡིགས་པ་དག་ཕ་རོལ་ལས་ཐོས་ནས་ཕ་རོལ་ཏུ་ཕྱིན་པ་དྲུག་སྒོམ་པ་ཡོངས་སུ་རྫོགས་པར་འགྱུར་རོ། །བློ་གྲོས་རྒྱ་མཚོ། ཇི་ལྟར་ན། ཐབས་ལ་མཁས་པའི
iiif viewer powered by OpenSeadragon
