| e-texts navigator |
| Wylie |
23a1 གིས་སྦྱིན་པར་བྱའོ། །བདག་གིས་བཟོད་པའི་སྟོབས་བསྟན་པར་བྱའི། གནོད་སེམས་ནི། མ་ཡིན་ནོ་སྙམ་མོ། །བློ་གྲོས་རྒྱ་མཚོ། ལུས་དང་། སྲོག་འདོར
23a2 བའི་བྱང་ཆུབ་སེམས་དཔའ་རྣམས་ལ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་དཀའ་བ་མ་ཡིན་ནོ། །གང་གི་གཞི་ལས་གནོད་སེམས་འབྱུང་བའི་ཆོས་དེ
23a3 བདག་གིས་སྤང་བར་བྱའོ་སྙམ་མོ། །ཆོས་དེ་གང་ཞེ་ན། འདི་ལྟ་སྟེ། ལུས་ལ་དགའ་བ་དང་། ལུས་ལ་གནས་པ་དང་། ལུས་ལ་ཆགས་པ་སྟེ། ལུས་བཏང་ན། གནོད་སེམས
23a4 ཀྱང་གཏོང་ངོ་། །བློ་གྲོས་རྒྱ་མཚོ། དེ་ལྟར་བགྲང་བ་ལ་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་ཐམས་ཅད་ཀྱི་གནོད་པ་བཟོད་དེ་མི་སྐྱོ
23a5 མི་ཁྲོའོ། །དེ་གནོད་པ་གསུམ་བཟོད་དེ། གསུམ་གང་ཞེ་ན། ལུས་ཀྱི་གནོད་པ་དང་། ངག་གི་གནོད་པ་དང་། སེམས་ཀྱི་གནོད་པའོ། །བློ་གྲོས་རྒྱ་མཚོ། དེ་ལ་བྱང་ཆུབ་སེམས
23a6 དཔའི་ལུས་ཀྱི་གནོད་པ་བཟོད་པ་གང་ཞེ་ན། གང་ཡན་ལག་དང་། ཉིང་ལག་རྣམས་བཅད་ཀྱང་ཆོས་ཉིད་ལ་རྟོན་ཏེ། གང་དེའི་ལུས་གཅོད་པའི་སེམས་ཅན་དེ་ཉིད་ལ་ལྟ་བའོ།
23a7 བློ་གྲོས་རྒྱ་མཚོ། དེ་ལ་ཐབས་ལ་མཁས་པའི་བྱང་ཆུབ་སེམས་དཔའི་ལུས་གཅོད་པ་ན་ཕ་རོལ་ཏུ་ཕྱིན་པ་དྲུག་སྒོམ་པ་ཡོངས་སུ་རྫོགས་པར་འགྱུར་རོ། །བློ་གྲོས་རྒྱ་མཚོ།
iiif viewer powered by OpenSeadragon
