| e-texts navigator |
| Wylie |
22b1 བཅོམ་པ་དེ་ལྟ་བུར་གྱུར་ཀྱང་བདག་གིས་ཐམས་ཅད་མཁྱེན་པ་ཡོངས་སུ་མི་གཏོང་ངོ་། །སེམས་ཅན་ཐམས་ཅད་ཡོངས་སུ་མི་གཏོང་ངོ་། །དགེ་བའི་ཆོས་ལ་འདུན་པ་ཡོངས་སུ་མི་གཏོང
22b2 ངོ་། །དེ་ཅིའི་ཕྱིར་ཞེ་ན། ལུས་གཏུབས་པའི་ལུས་ཀྱི་གནོད་པ་འདི་ལྟ་བུ་ཐམས་ཅད་ནི། སེམས་ཅན་དམྱལ་བའི་སྡུག་བསྔལ་གྱི་བརྒྱའི་ཆར་ཡང་ཉེ་བར་མི་འགྲོ་བ་ནས་རྒྱུའི
22b3 དུའང་མི་བཟོད་དོ། །བདག་ནི། སེམས་ཅན་དམྱལ་བར་གནས་པར་སྤྲོའོ། །བདག་གིས་སངས་རྒྱས་ཀྱི་ཆོས་གཏང་བར་ནི། མི་བྱའོ། །སེམས་ཅན་ཐམས་ཅད་རབ་ཏུ་ཐར་པར་བྱ་བ
22b4 ལ་དམིགས་པའི་སྙིང་རྗེ་ཆེན་པོ་མི་གཏོང་ངོ་། །དེ་ཅིའི་ཕྱིར་ཞེ་ན། དེ་ནི། བཅོམ་ལྡན་འདས་ཀྱིས་ཀྱང་གསུངས་ཏེ། དགེ་བ་ལ་ནི། བར་ཆང་མང་ངོ་། །མི་དགེ་བའི་ཕྱོགས་ལ
22b5 ནི|་གྲོགས་བྱེད་པ་མང་ངོ་། །དགེ་བའི་ཕྱོགས་ལ་ནི། གྲོགས་བྱེད་པ་ཉུང་ངོ་། །ཞེས་གསུངས་པས་བདག་གིས་མི་དགེ་བའི་ཕྱོགས་ཀྱི་གྲོགས་མི་བྱའི། དགེ་བའི་ཕྱོགས་ཀྱི་གྲོགས
22b6 བྱའོ|་|སེམས་ཅན་ཐམས་ཅད་ལ་བཟོད་པར་བྱའོ། གནོད་སེམས་སུ་མི་བྱའོ། །སེམས་ཅན་དེ་དག་ལ་གང་ཡོད་པ་དེ་བྱིན་ནའང་བདག་ལ་གང་ཡོད་པ་དེ་བདག་གིས་སྦྱིན་པར
22b7 བྱ་སྟེ|་སེམས་ཅན་དེ་དག་ལ་གནོད་སེམས་དང་། ཁྲོ་བ་དང་། འཁོན་དུ་འཛིན་པ་ཡོད་པ་དེ་དག་དེ་རྣམས་ཀྱིས་བྱིན་ཡང་བདག་ལ་བཟོད་པ་དང་། དེས་པ་གང་ཡོད་པ་དེ་བདག
iiif viewer powered by OpenSeadragon
