| e-texts navigator |
| Wylie |
20b1 པའི་བྱང་ཆུབ་སེམས་བརྟན་ཁ་ལོ་སྒྱུར། །དེ་དག་བྱང་ཆུབ་སེམས་མཆོག་རྣམ་དག་སྟེ། །ཉོན་མོངས་དྲི་མས་གཞར་ཡང་གོས་མི་འགྱུར། །དེ་སྟེ་ནམ་མཐའ་ཉོན་མོངས་བྱ་བར་ནུས། །དེ
20b2 ལ་རྗེས་ཀྱང་བསྟན་པར་ནུས་སྲིད་ཀྱི། །རང་བཞིན་འོད་གསལ་རྫོགས་པའི་བྱང་ཆུབ་སེམས། །དེ་ནི་ནམ་ཡང་ཉོན་མོངས་བྱར་མི་ནུས། །ཐམས་ཅད་མཁྱེན་པའི་སེམས་རིན་པོ་ཆེ་ཡོངས
20b3 སུ་སྦྱང་བའི་ལེའུ་སྟེ། དང་པོའོ།། །།འཕགས་པ་བློ་གྲོས་རྒྱ་མཚོས་ཞུས་པ། བམ་པོ་གཉིས་པ། བློ་གྲོས་རྒྱ་མཚོ། ཐམས་ཅད་མཁྱེན་པར་སེམས་བསྐྱེད་པ་རིན་པོ་ཆེ་དེའི
20b4 གནོད་པ་བཟོད་པ་ནི། ཇི་ལྟ་བུ། ཐམས་ཅད་མཁྱེན་པར་སེམས་བསྐྱེད་པ་རིན་པོ་ཆེ་དིའི་གནོད་པ་ནི། གང་ཞེ་ན། བློ་གྲོས་རྒྱ་མཚོ། འདི་ལ་བྱང་ཆུབ་སེམས་དཔའ་སེམས་དཔའ་ཆེན
20b5 པོ་ཐམས་ཅད་མཁྱེན་པར་སེམས་བསྐྱེད་པ་རིན་པོ་ཆེ་དེ་ལྟར་བསྐྱེད་ནས་འཕགས་པ་མ་ཡིན་པ་ཚུལ་ཁྲིམས་འཆལ་བའི་སེམས་ཅན་རྣམས་སམ། བདུད་རྣམས་སམ། བདུད་ཀྱི
20b6 རིས་ཀྱི་ལྷ་རྣམས་སམ། བདུད་ཀྱི་བྱིན་གྱིས་བརླབས་པ་རྣམས་སམ། བདུད་ཀྱི་ཁོ་ཉ་རྣམས་ཀྱིས་གཙེས་སམ། རྣམ་པར་གཙེས་སམ། བསྐྱོད་དམ། ཀུན་ཏུ་བསྐྱོད་དམ། དཀྲུགས
20b7 སམ|་ཀུན་ཏུ་དཀྲུགས་སམ། བསྡིགས་སམ། བརྡེགས་ཀྱང་བྱང་ཆུབ་ཏུ་བསམ་པའི་སེམས་བསྐྱེད་པ་དེ་ལས་མི་ཕྱེད་པ་དང་། སེམས་ཅན་ཐམས་ཅད་རབ་ཏུ་ཐར་པར་བྱ་བའི་སྙིང
iiif viewer powered by OpenSeadragon
