| e-texts navigator |
| Wylie |
176b1 ཉི་མ་དང་ཟླ་བ་ནི། སའི་སྟེང་དུ་ལྷུང་ཡང་སྲིད། ནམ་མཁའ་ནི། གཟུགས་ཀྱི་རྣམ་པར་བསྟན་དུ་རུང་ཡང་སྲིད། མེ་ནི། ཆུར་འགྱུར་ཡང་སྲིད། ཆུ་ནི། མེར་འགྱུར་ཡང་སྲིད། འབྱུང་བ
176b2 ཆེན་པོ་བཞི་ནི། གཞན་དུ་འགྱུར་ཡང་སྲིད། སེམས་ཅན་ཐམས་ཅད་ཀྱི་སེམས་ནི། གཅིག་ཏུ་བྱར་རུང་ཡང་སྲིད། ནམ་མཁའ་དང་ས་ནི། འབྱར་ཡང་སྲིད་ཀྱི། དེ་བཞིན་གཤེགས་པའི
176b3 བྱིན་གྱིས་བརླབས་ནི། སུས་ཀྱང་སྐྱོད་པའམ། གཡོ་བའམ། འཁྲུག་པར་བྱེད་མི་ནུས་སོ། །ཞེས་གསུངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོའི་སྤྱི་བོར་ཕྱག
176b4 བཞག་སྟེ་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། །ཁྱོད་ཀྱིས་དམ་པའི་ཆོས་ཡུན་རིང་དུ་གནས་པར་བྱ་བ་ཉེ་བར་བཟུང་སྟེ་ཆོས་ཀྱི་རྣམ་གྲངས་འདི
176b5 ཟུངས་ཤིག་། ཆོངས་ཤིག་།ལྷོགས་ཤིག་།ཀུན་ཆུབ་པར་གྱིས་ཤིག་།གཞན་དག་ལའང་རྒྱ་ཆེར་ཡང་དག་པར་རབ་ཏུ་སྟོན་ཅིག་།དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས
176b6 རྒྱ་མཚོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དོན་གྱི་དབང་གང་གཟིགས་ནས་དེ་ལ་རྒྱ་མཚོ་དང་། མཚོ་ཆེན་པོ་ལྟར་གཏིང་དཔག་དཀའ་བའི་དྲན་པ་དང་། བློ་རབ་ཏུ
176b7 ཐོབ་པའི་བྱང་ཆུབ་སེམས་དཔའ་གཞན་དག་མཆིས་བཞིན་དུ། དགེ་སློང་ཀུན་དགའ་བོ་ཉི་ཚེ་བའི་འཆལ་བ་དང་ལྡན་པ་ལ་ཆོས་ཀྱི་ལེའུ་འདི་ལྟ་བུ་འདི་ཡོངས་སུ་གཏད། བཅོམ་ལྡན་འདས
iiif viewer powered by OpenSeadragon
