| e-texts navigator |
| Wylie |
156a1 ལ་ནི|་བཟོད། སེམས་ཅན་ཉམ་ཆུང་བ་རྣམས་ལ་ནི། མི་བཟོད་པ། སེམས་ཅན་སྟོབས་དང་ལྡན་པ་རྣམས་ལ་ནི། བཟོད་པའི་སྟོབས་ཉེ་བར་སྟོན།
156a2 སེམས་ཅན་ཉམ་ཆུང་བ་རྣམས་ལ་ནི། གནོད་སེམས་ཀྱི་སེམས་ཀྱི་སྟོབས་ཉེ་བར་སྟོན་ཏེ། དེ་རེ་ཞིག་ནི། བཟོད། རེ་ཞིག་ནི། མི་བཟོད། ཁ་ཅིག་ལ་ནི། བཟོད། ཁ་ཅིག་ལ་ནི། མི
156a3 བཟོད་ལ། དེ་གང་གི་ཚེ་བཟོད་པ་དེའི་ཚེ་བཟོད་པས་རྒྱགས་ཏེ་རློམ་སེམས་སུ་བགྱིད། གང་གི་ཚེ་མི་བཟོད་པ་དེའི་ཚེ་ནི། མྱུར་དུ་སོ་སོར་མི་འཆགས་ན། བཅོམ་ལྡན་འདས། འདི་ནི།
156a4 བྱང་ཆུབ་སེམས་དཔའི་བཟོད་པ་དང་རབ་ཏུ་ལྡན་པའི་བདུད་ཀྱི་ལྕགས་ཀྱུ་སྟེ། གསུམ་པའོ། །བཅོམ་ལྡན་འདས། གཞན་ཡང་བྱང་ཆུབ་སེམས་དཔའ་བརྩོན་འགྲུས་བརྩམས་པར
156a5 གྱུར་ལ|་དེ་བརྩོན་འགྲུས་བརྩམས་པར་གནས་པར་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་སེམས་ཅན་རྣམས་ཡོངས་སུ་སྨིན་པར་བགྱིད་ཀྱི། ཐེག་པ་ཆེན་པོ་ལ་སེམས་ཅན
156a6 ཡོངས་སུ་སྨིན་པར་མི་བགྱིད། ཉན་ཐོས་དང་། རང་སངས་རྒྱས་ཀྱི་གཏམ་རྒྱུན་དུ་སྟོན་གྱི། ཐེག་པ་ཆེན་པོའི་གཏམ་འཆབ་པར་བགྱིད། འཇིག་རྟེན་པའི་བགྱི་བ་ལ་ཞལ་ཏ་བགྱིད
156a7 པར་བརྩོན་གྱི། འཇིག་རྟེན་ལས་འདས་པའི་ཆོས་ཡོངས་སུ་མི་ཚོལ། དེ་བཞིན་གཤེགས་པ་ལ་མཆོད་པས་དགའ་བ་ཐོབ་སྟེ། འདི་ལྟ་སྟེ། མེ་ཏོག་དང་། སྤོས་དང་། ཕྲེང་བ་དང་།
iiif viewer powered by OpenSeadragon
