| e-texts navigator |
| Wylie |
154b1 སོ|་|བྱང་ཆུབ་སེམས་དཔའ་ཤིན་ཏུ་དྲི་མ་མེད་པ་སེམས་པས་གསོལ་པ། བཅོམ་ལྡན་འདས། འདི་ལྟ་སྟེ། དཔེར་ན། གོས་དྲི་མ་ཅན་བཀྲུ་བར་བགྱིའི། དྲི་མ་མ་མཆིས་པ་ནི། མ་ལགས
154b2 སོ|་|བཅོམ་ལྡན་འདས། དེ་བཞིན་དུ་སེམས་ཡོངས་སུ་མ་དག་པ་ནི། ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པས་ཡོངས་སུ་སྦྱང་བར་བགྱིའོ། །བཅོམ་ལྡན་འདས། བྱང་ཆུབ་སེམས
154b3 དཔའ་གང་གི་སེམས་དང་། ཡིད་ལ་ཉོན་མོངས་པ་དང་། ཉེ་བའི་ཉོན་མོངས་པ་ཐམས་ཅད་མི་འཇུག་པ་དེ་དག་པའོ། །དག་པ་གང་ལགས་པ་དེ་སྒྲུབ་པ་ཡང་དག་པ་ལ་གནས་བ་ཞེས
154b4 བགྱིའོ|་|བྱང་ཆུབ་སེམས་དཔའ་བློ་གྲོས་རྒྱ་མཚོས་གསོལ་པ། བཅོམ་ལྡན་འདས། བྱང་ཆུབ་སེམས་དཔའ་དགེ་བའི་བཤེས་གཉེན་གྱིས་ཡོངས་སུ་ཟིན་པ་འདི་ནི། ཚེགས་ཆུང་ངུས
154b5 སྒྲུབ་པ་ཡང་དག་པར་འཕགས་པ་ཐོབ་པར་འགྱུར་རོ། །དེ་ཅིའི་སླད་དུ་ཞེ་ན། བཅོམ་ལྡན་འདས། བྱང་ཆུབ་སེམས་དཔའ་གང་དག་ལ་གནས་ཤིང་བདུད་ཀྱི་ལྕགས་ཀྱུ་ལས་མི་འདའ་བ་དེ
154b6 དག་ཐམས་ཅད་ནི། སྡིག་པའི་གྲོགས་པོས་ཡོངས་སུ་ཟིན་པ་ལགས་སོ། །གང་དག་བདུད་ཀྱི་ལྕགས་ཀྱུ་ལས་ཤིན་ཏུ་འདའ་བ་དེ་དག་ཐམས་ཅད་ནི། དགེ་བའི་བཤེས་གཉེན་གྱིས་ཡོངས
154b7 སུ་ཟིན་པ་ལགས་སོ། །བཅོམ་ལྡན་འདས། དེ་ལྟ་བས་ན། བྱང་ཆུབ་སེམས་དཔའ་བདུད་ཀྱི་ལྕགས་ཀྱུ་ལས་ཤིན་ཏུ་འདའ་བར་འཚལ་བས་དགེ་བའི་བཤེས་གཉེན་རྣམས་ལ་བསྙེན་པར་བགྱི།
iiif viewer powered by OpenSeadragon
