| e-texts navigator |
| Wylie |
151b1 གསོལ་པ། བཅོམ་ལྡན་འདས། གང་ལ་སེམས་ཀྱི་རྗེས་སུ་འབྲང་བའི་རྣམ་པར་ཤེས་པ་འཇུག་པ་དེ་ལ་སྒྲུབ་པ་ག་ལ་མཆིས། བཅོམ་ལྡན་འདས། བྱང་ཆུབ་སེམས་དཔའ་གང་ཆོས
151b2 ཐམས་ཅད་ལ་རྣམ་པར་ཤེས་པ་མི་གནས་པ་དེ་ཆོས་གང་ལའང་མི་གནས་པ་ལགས་སོ། །གང་ཆོས་ཐམས་ཅད་ལའང་མི་གནས་པ་དེ་ཉིད་དེའི་སྒྲུབ་པ་ཡང་དག་པ་ལགས་སོ། །བྱང
151b3 ཆུབ་སེམས་དཔའ་ལྷུན་པོའི་སྒྲོན་མེའི་རྒྱལ་པོས་གསོལ་པ། བཅོམ་ལྡན་འདས། ལྟ་བ་མ་མཆིས་པ་ནི། སྒྲུབ་པ་ལགས་ཏེ། ལྟ་བ་དང་བཅས་པ་ལ་སྒྲུབ་པ་མ་མཆིས་སོ། །བཅོམ
151b4 ལྡན་འདས། བྱང་ཆུབ་སེམས་དཔའ་གང་ཆོས་ཐམས་ཅད་གདེག་པ་མ་མཆིས་པ་དང་། གཞག་པ་མ་མཆིས་པས་ཆོས་གང་ལ་མི་ལྟ་བ་འདི་ནི། དེའི་སྒྲུབ་པ་ཡང་དག་པ་ལགས
151b5 སོ|་|བྱང་ཆུབ་སེམས་དཔའ་ཉི་མའི་སྙིང་པོས་གསོལ་པ། བཅོམ་ལྡན་འདས། གནས་པ་ནི། གཡོ་བ་ལགས་ཏེ། མི་གནས་པ་ལ་གཡོ་བ་མ་མཆིས་སོ། །བཅོམ་ལྡན་འདས།
151b6 བྱང་ཆུབ་སེམས་དཔའ་གང་གནས་པར་མི་བགྱིད་པ་དེ་ནི། མི་གཡོའོ། །གང་མི་གཡོ་བ་དེ་ཆོས་ཐམས་ཅད་ཀྱིས་མི་འཁྲུགས་ཏེ། འདི་ནི། དེའི་སྒྲུབ་པ་ཡང་དག་པ་ལགས་སོ། །
151b7 བྱང་ཆུབ་སེམས་དཔའ་དཔའ་བོས་གསོལ་པ། བཅོམ་ལྡན་འདས། འཇིག་རྟེན་ནི། སེམས་ཀྱིས་སྤྱོད་དོ། །བཅོམ་ལྡན་འདས། འཇིག་རྟེན་ནི། སེམས་ཀྱིས་རྒྱུག་གོ། རྗེས་སུ་རྒྱུག་གོ།
iiif viewer powered by OpenSeadragon
