| e-texts navigator |
| Wylie |
150b1 སྨྲ་བའོ|་|བསླབ་པ་མ་ཉམས་པ་ནི། དེ་བཞིན་བྱེད་པའོ། །སེམས་དང་པོ་བསྐྱེད་པ་ནི། ཇི་སྐད་སྨྲ་བའོ། །བྱང་ཆུབ་སེམས་དཔའི་སྤྱོད་པ་ནི། དེ་བཞིན་བྱེད་པའོ། །མི་སྐྱེ་བའི་ཆོས་ལ
150b2 བཟོད་པ་ནི། ཇི་སྐད་སྨྲ་བའོ། །ཕྱིར་མི་ལྡོག་པའི་ས་ནི། དེ་བཞིན་བྱེད་པའོ། །སྐྱེ་བ་གཅིག་གིས་ཐོགས་པ་ནི། ཇི་སྐད་སྨྲ་བའོ། །བྱང་ཆུབ་ཀྱི་སྙིང་པོར་འདུག་པ་ནི། དེ་བཞིན་བྱེད་པའོ། །
150b3 ཡང་དག་པར་བླངས་པ་བརྟན་པ་ནི། ཇི་སྐད་སྨྲ་བའོ། །ཐམས་ཅད་མཁྱེན་པ་ཉིད་མངོན་པར་རྫོགས་པར་བྱང་ཆུབ་པ་ནི། དེ་བཞིན་བྱེད་པའོ། །ཆོས་ཀྱི་འཁོར་ལོ་རབ་ཏུ་བསྐོར་བ་ནི། ཇི
150b4 སྐད་སྨྲ་བའོ། །དཀོན་མཆོག་གསུམ་གྱི་རིགས་མི་འཆད་པར་བྱེད་པ་ནི། དེ་བཞིན་བྱེད་པའོ། །བློ་གྲོས་རྒྱ་མཚོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟ་བུ་ནི། ཇི་སྐད་སྨྲས
150b5 པ་དེ་བཞིན་བྱེད་པ་ཡིན་ནོ། །བཅོམ་ལྡན་འདས་ཀྱིས་ཇི་སྐད་སྨྲས་པ་དེ་བཞིན་བྱེད་པའི་བསྟན་པ་འདི་བཤད་པ་ན་བྱང་ཆུབ་སེམས་དཔའ་ལྔ་སྟོང་གིས་མི་སྐྱེ་བའི་ཆོས་ལ་བཟོད་པ་རབ་ཏུ
150b6 ཐོབ་པར་གྱུར་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་པདྨ་བཀོད་པས་འདི་སྐད་ཅེས་གསོལ་ཏོ། །བཅོམ་ལྡན་འདས། ཇི་ཙམ་དུ་དེ་བཞིན
150b7 གཤེགས་པས་ཇི་སྐད་སྨྲས་པ་དེ་བཞིན་བགྱིད་པས་སངས་རྒྱས་ཀྱི་ཆོས་འདི་ཐམས་ཅད་བསྟན་པ་ནི། ངོ་མཚར་ཏོ། །བཅོམ་ལྡན་འདས། འདི་ལྟ་སྟེ། དེ་བཞིན་གཤེགས་པའི་གསུང
iiif viewer powered by OpenSeadragon
