| e-texts navigator |
| Wylie |
150a1 པར་སྣང་བ་འདི་ནི། དེའི་དེ་བཞིན་བྱེད་པའོ། །དེ་བཞིན་དུ་མི་དགེ་བའི་ཆོས་ཐམས་ཅད་ཀྱི་བར་དག་སྤོང་བར་སྨྲ་བ་དང་། དགེ་བའི་ཆོས་ཐམས་ཅད་ཡོངས
150a2 སུ་རྫོགས་པར་བྱ་བ་སྨྲ་བ་ནི། བྱང་ཆུབ་སེམས་དཔའ་ཇི་སྐད་སྨྲ་བ་སྟེ། གང་གི་ཚེ་མི་དགེ་བའི་ཆོས་ཐམས་ཅད་སྤོང་བ་དང་། དགེ་བའི་ཆོས་ཐམས་ཅད་ཡོངས་སུ་ཚོལ་བ་ལ
150a3 བརྩོན་པར་སྣང་བ་འདི་ནི། དེའི་དེ་བཞིན་བྱེད་པའོ། །གཞན་ཡང་བསམ་པ་ནི། ཇི་སྐད་སྨྲ་བའོ། །གཡོ་མེད་ཅིང་སྒྱུ་མེད་པ་ནི། དེ་བཞིན་བྱེད་པའོ། །སྦྱོར་བ་ནི། ཇི་སྐད་སྨྲ་བའོ། །
150a4 སྦྱོར་བ་ཉམས་འོག་ཏུ་ཆུད་པར་བྱེད་པ་ནི། དེ་བཞིན་བྱེད་པའོ། །རྩོམ་པ་ནི། ཇི་སྐད་སྨྲ་བའོ། །རྩོམ་པ་ལ་ཞུམ་པ་མེད་པ་ནི། དེ་བཞིན་བྱེད་པའོ། །ལྷག་པའི་བསམ་པ་ནི། ཇི་སྐད
150a5 སྨྲ་བའོ|་|དེ་ལ་མ་ཆགས་པར་ཁྱད་པར་དུ་འགྲོ་བ་ནི། དེ་བཞིན་བྱེད་པའོ། །དམ་བཅས་པ་ནི། ཇི་སྐད་སྨྲ་བའོ། །དམ་བཅས་པ་ཉམས་འོག་ཏུ་ཆུད་པར་བྱེད་པ་ནི། དེ་བཞིན་བྱེད
150a6 པའོ|་|ཐོས་པ་ཀུན་ཏུ་འཛིན་པ་ནི། ཇི་སྐད་སྨྲ་བའོ། །ཐོས་པ་སྒྲུབ་པ་ནི། དེ་བཞིན་བྱེད་པའོ། །ཚིག་གིས་ཡང་དག་པར་བླངས་པ་ནི། ཇི་སྐད་སྨྲ་བའོ། །ལུས་དང་། སེམས་ཞུམ་པ
150a7 མེད་པ་ནི། དེ་བཞིན་བྱེད་པའོ། །ང་རྒྱལ་མེད་པ་ནི། ཇི་སྐད་སྨྲ་བའོ། །ཡེ་ཤེས་ཡོངས་སུ་རྫོགས་པར་བྱེད་པ་ནི། དེ་བཞིན་བྱེད་པའོ། །བསླབ་པ་ཡང་དག་པར་བླངས་པ་ནི། ཇི་སྐད
iiif viewer powered by OpenSeadragon
