| e-texts navigator |
| Wylie |
149b1 སྐྱབས་སུ་དོང་བ་རྣམས་ནི། ཡོངས་སུ་གཏང་བར་མི་བྱ་སྟེ། ཇི་སྐད་སྨྲས་པ་དེ་བཞིན་དུ་བསྒྲུབ་པར་བྱའོ། །དེ་ལ་ཇི་སྐད་སྨྲས་པ་དེ་བཞིན་བྱེད་པ་གང་ཞེ་ན། བློ་གྲོས་རྒྱ་མཚོ། བྱང་ཆུབ
149b2 སེམས་དཔའ་སྦྱིན་པ་སྨྲ་བ་ནི། ཇི་སྐད་སྨྲ་བ་སྟེ། གང་གི་ཚེ་བདོག་པ་ཐམས་ཅད་ཡོངས་སུ་གཏོང་བར་སྣང་བ་འདི་ནི། དེའི་དེ་བཞིན་བྱེད་པའོ། །དེ་ལྟར་ན། ཇི་སྐད་སྨྲས་པ་དེ་བཞིན་བྱེད་པ
149b3 ཡིན་ནོ|་|བྱང་ཆུབ་སེམས་དཔའ་ཚུལ་ཁྲིམས་སྨྲ་བ་ནི། ཇི་སྐད་སྨྲ་བ་སྟེ། གང་གི་ཚེ་ཚུལ་ཁྲིམས་དང་། བསླབ་པ་དང་། སྦྱངས་པའི་ཡོན་ཏན་ཐམས་ཅད་ཡང་དག་པར་འཛིན་ཅིང་སྤྱོད་པར
149b4 ཀུན་ཏུ་སྣང་བ་འདི་ནི། དེའི་དེ་བཞིན་བྱེད་པའོ། །བྱང་ཆུབ་སེམས་དཔའ་བཟོད་པ་སྨྲ་བ་ནི། དེ་སྐད་སྨྲ་བ་སྟེ། གང་གི་ཚེ་གནོད་སེམས་དང་། ཐ་བ་དང་། ཞེ་སྡང་སྤོང་བར་སྣང་བ་འདི་ནི། དེའི
149b5 དེ་བཞིན་བྱེད་པའོ། །བྱང་ཆུབ་སེམས་དཔའ་བརྩོན་འགྲུས་སྨྲ་བ་ནི། ཇི་སྐད་སྨྲ་བ་སྟེ། གང་གི་ཚེ་དགེ་བའི་ཆོས་ཐམས་ཅད་ཡོངས་སུ་ཚོལ་བ་ལ་བརྩོན་འགྲུས་སྣང་བ་འདི་ནི། དེའི་དེ་བཞིན
149b6 བྱེད་པའོ། །བྱང་ཆུབ་སེམས་དཔའ་བསམ་གཏན་སྨྲ་བ་ནི། ཇི་སྐད་སྨྲ་བ་སྟེ། གང་གི་ཚེ་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་རྣམས་ལ་སྣང་བ
149b7 འདི་ནི|་དེའི་དེ་བཞིན་བྱེད་པའོ། །དེ་བཞིན་དུ་བྱང་ཆུབ་སེམས་དཔའ་ཤེས་རབ་སྨྲ་བ་ནི། ཇི་སྐད་སྨྲ་བ་སྟེ། གང་གི་ཚེ་རབ་ཏུ་དབྱེ་བའི་སྤོབས་པ་རྣམ་པར་ངེས་པའི་ཡེ་ཤེས་ལ་མཁས
iiif viewer powered by OpenSeadragon
