| e-texts navigator |
| Wylie |
148a1 སྨྲས་པ་དེ་བཞིན་བྱེད་པ་མ་ཡིན་ཏེ། ལྷ་དང་བཅས་པའི་འཇིག་རྟེན་ལ་སླུ་བ་ཡིན་ནོ། །དེ་ལྟ་བུ་དེ་སྔོན་སངས་རྒྱས་མཐོང་བའི་ལྷ་རྣམས་ཀྱིས་མཐོང་ན། འཕྱ
148a2 ཞིང་གཞོགས་འཕྱས་བྱེད་ལ་རྣམ་པར་སྨོད་དེ། གང་དག་མཆོད་སྦྱིན་བྱ་བར་དམ་བཅས་པ་ཉམས་འོག་ཏུ་ཆུད་པར་བྱེད་པའི་མཆོད་སྦྱིན་གྱི་བདག་པོ་བྱེད་པ་དེ་དག་ནི། དཀོན་ནོ།།
148a3 དེ་བས་ཀྱང་གང་དག་མཆོད་སྦྱིན་ཆེན་པོ་དེ་བརྩམས་ན་བླ་ན་མེད་པའི་ཐེག་པ་ཆེན་པོ་ལ་ཡོངས་སུ་སྐྱོ་བར་མི་འགྱུར་བ་དག་ནི། ཆེས་དཀོན་ནོ། །བློ་གྲོས་རྒྱ་མཚོ། བྱང་ཆུབ་སེམས
148a4 དཔས་གང་གིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ལ་སླུ་བར་འགྱུར་བའི་ཚིག་བརྗོད་པར་མི་བྱའོ། །བློ་གྲོས་རྒྱ་མཚོ། གཞན་ཡང་ལ་ལ་ཞིག་གིས་བྱང་ཆུབ་སེམས
148a5 དཔའ་གང་ལ་ཆོས་ཀྱི་དོན་བྱ་བར་གསོལ་བ་བཏབ་ལ། དེ་ལ་བྱང་ཆུབ་སེམས་དཔས་ཁོ་བོས་ཁྱེད་ཀྱི་ཆོས་ཀྱི་དོན་འདི་ཡོངས་སུ་ཐོབ་པར་བྱའོ། །ཞེས་ཚིག་སྨྲས་པར་གྱུར་ན།
148a6 བྱང་ཆུབ་སེམས་དཔས་དེ་ལ་ལུས་ནི། ཡོངས་སུ་གཏང་བར་བྱའི། སེམས་ཅན་བསླུ་བར་ནི། མི་བྱའོ། །བློ་གྲོས་རྒྱ་མཚོ། ཁྱོད་ཀྱིས་རྣམ་གྲངས་འདིས་ཀྱང་འདི་ལྟར་རིག་པར་བྱའོ། །
148a7 བློ་གྲོས་རྒྱ་མཚོ། སྔོན་བྱུང་བའི་འདས་པའི་དུས་ན་བསྐལ་པ་གྲངས་མེད་པའི་ཡང་ཆོས་གྲངས་མེད་པ་དཔག་ཏུ་མེད་པར་གྱུར་པ་དེའི་ཚེ་དེའི་དུས་ན་སེངྒེའི་རྒྱལ་པོ་དར་དཀར་ལྟ་བུའི
iiif viewer powered by OpenSeadragon
