| e-texts navigator |
| Wylie |
144b1 ཡོངས་སུ་དག་པས་ལྷ་དང་མིར་སྐྱེ་བ་ཐོབ་པ་དང་། བྱང་ཆུབ་ཀྱི་སེམས་མི་འདོར་བས་ཕ་རོལ་ཏུ་ཕྱིན་པ་དྲུག་ཐོབ་པ་དང་། དགོན་པ་དབེན་པ་ན་གནས་པས་འདུ་འཛི་དང་མི་འདྲེ་བ་ཐོབ
144b2 པ་དང་། གནོད་པ་མེད་པས་ཆོས་སེམས་པའི་བདེ་བ་ཐོབ་པ་དང་། བསམ་གཏན་གྱི་ཡན་ལག་ཡང་དག་པར་སྒྲུབ་པས་སེམས་ལས་སུ་རུང་བ་ཐོབ་པ་དང་། ཐོས་པ་ཡོངས་སུ་ཚོལ
144b3 བས་ཤེས་རབ་ཆེན་པོ་ཐོབ་པ་དང་། ང་རྒྱལ་མེད་པས་ཡེ་ཤེས་ཆེན་པོ་ཐོབ་པ་དང་། དོན་ཉུང་ཞིང་བྱེད་པ་ཉུང་བས་ཆོས་རབ་ཏུ་རྣམ་པར་འབྱེད་པ་ཐོབ་པ་དང་། སེམས་ཅན་ཐམས་ཅད
144b4 ལ་སེམས་མཉམ་བ་ཉིད་པས་བྱམས་པ་ཆེན་པོ་ཐོབ་པ་དང་། སེམས་ཅན་ཐམས་ཅད་རབ་ཏུ་ཐར་བར་བྱེད་པའི་སེམས་ཀྱིས་སྙིང་རྗེ་ཆེན་པོ་ཐོབ་པ་དང་། ལུས་དང་སྲོག་ལ་མི་ལྟ
144b5 བས་དམ་པའི་ཆོས་ཡོངས་སུ་འཛིན་པ་ཐོབ་པ་དང་། སེམས་རབ་ཏུ་སྦྱངས་པས་མངོན་པར་ཤེས་པ་ཆེན་པོ་ཐོབ་པ་དང་། སངས་རྒྱས་རྗེས་སུ་དྲན་པས་སངས་རྒྱས་མཐོང་བ་ཐོབ་པ
144b6 དང་། ཚུལ་བཞིན་གྱིས་ཆོས་ལ་སོ་སོར་རྟོག་པས་མི་སྐྱེ་བའི་ཆོས་ལ་བཟོད་པ་ཐོབ་པ་ཐོབ་པ་དང་། ཡོན་ཏན་ཐམས་ཅད་ཡང་དག་པར་འཛིན་པའི་སྤྱོད་པས་མྱུར་དུ་ཐམས་ཅད་མཁྱེན་པ
144b7 རབ་ཏུ་ཐོབ་པ་སྟེ། རྒྱལ་པོ་ཆེན་པོ། རབ་ཏུ་བྱུང་བར་གཏོགས་པའི་བྱང་ཆུབ་སེམས་དཔའ་ལ་ཐོབ་པ་ཆེན་པོ་ཉི་ཤུ་པོ་འདི་དག་རྙེད་དཀའ་བར་མི་འགྱུར་རོ། །རྒྱལ་པོ་ཆེན་པོ། དེ་ལྟ་བས
iiif viewer powered by OpenSeadragon
