| e-texts navigator |
| Wylie |
144a1 པ་འོད་ཟེར་སྣང་བ་མཐའ་ཡས་དེས་རྒྱལ་པོ་ཡུལ་ཤིན་ཏུ་རྣམ་པར་དག་པ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ། ཁྱོད་ཀྱིས་ཡོངས་སུ་སྤྱད་པའི་ཕྱིར་རྒྱལ
144a2 སྲིད་ཐམས་ཅད་དེ་བཞིན་གཤེགས་པ་ལ་ཕུལ་ཟིན་ན། རྒྱལ་པོ་ཆེན་པོ། ཁྱོད་དད་པས་ལེགས་པར་གསུངས་པའི་ཆོས་འདུལ་བ་ལ་ཁྱིམ་ནས་ཁྱིམ་མེད་པར་རབ་ཏུ་བྱུང་ཞིག་།དེ་ཅིའི
144a3 ཕྱིར་ཞེ་ན། རྒྱལ་པོ་ཆེན་པོ། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་ནི། དོན་ཆེ་བ། ཕན་ཡོན་ཆེ་བ། རྒྱ་ཆེ་བའོ། །རྒྱལ་པོ་ཆེན་པོ། རབ་ཏུ་བྱུང་བར་གཏོགས
144a4 པའི་བྱང་ཆུབ་སེམས་དཔའི་ཐོབ་པ་ཆེན་པོ་ནི། ཉི་ཤུ་པོ་འདི་དག་སྟེ། ཐམས་ཅད་མཁྱེན་པ་བླ་ན་མེད་པའི་ཐོབ་པ་ཡོངས་སུ་རྫོགས་པར་འགྱུར་བ་དག་གོ་།ཉི་ཤུ་པོ་གང་ཞེ་ན།
144a5 འདི་ལྟ་སྟེ། རྒྱལ་སྲིད་དང་། ལོངས་སྤྱོད་དང་། གཡོག་འཁོར་དང་། དབང་ཕྱུག་འདོར་བས་ང་ཡི་བ་མེད་ཅིང་ཡོངས་སུ་འཛིན་པ་མེད་པ་ཐོབ་པ་དང་། ཁྱིམ་ནས་འབྱུང་བ་ལ
144a6 གཞོལ་བས་ཉོན་མོངས་པ་ལས་བྱུང་བ་ཐོབ་པ་དང་། དུར་སྨྲིག་འཛིན་པས་རྙོག་པ་མེད་པའི་སེམས་ཐོབ་པ་དང་། འཕགས་པའི་རིགས་ཆོག་ཤེས་པས་དགང་སླ་བ་དང་།
144a7 གསོ་སླ་བ་ཐོབ་པ་དང་། སྦྱངས་པའི་ཡོན་ཏན་ཡོ་བྱད་བསྙུངས་པ་ཡང་དག་པར་ལེན་པས་འདོད་པ་ཆེ་བ་དང་། སྡིག་པ་འདོད་པ་སྤོང་བ་ཐོབ་པ་དང་། ཚུལ་ཁྲིམས་ཀྱི་ཕུང་པོ
iiif viewer powered by OpenSeadragon
