| e-texts navigator |
| Wylie |
138a1 དེ་དག་གིས་བྱང་ཆུབ་སེམས་དཔའ་བྱང་ཆུབ་ཀྱི་སྙིང་པོ་ལ་འདུག་པ་དེ་མཐོང་ངོ་། །མཐོང་ནས་ཀྱང་བྱང་ཆུབ་སེམས་དཔའ་དེ་ག་ལ་བ་དེ་ལོགས་སུ་མེ་ཏོག
138a2 དག་གཏོར་ཏོ། །གཏོར་བ་དང་། སངས་རྒྱས་ཀྱི་མཐུས་འོངས་ནས་བྱང་ཆུབ་སེམས་དཔའ་དེའི་ལུས་ལ་བབ་བོ། །མེ་ཏོག་དེ་དག་གིས་འཇིག་རྟེན་གྱི་ཁམས་ཤིན་དུ་སྤྲུལ་པ་དེར་མི
138a3 བདུན་གྱི་འཕང་ཙམ་གྱི་མེ་ཏོག་བཀྲམ་པ་གཅིག་པུ་གནས་པར་གྱུར་ཏོ། །འཇིག་རྟེན་གྱི་ཁམས་དེ་ན་དབང་ཆེ་བ་དབང་ཆེ་བར་གྲགས་པའི་ལྷ་གང་དག་དང་། བྱང་ཆུབ་སེམས་དཔའ
138a4 ག་ཨང་དག་འཁོད་པ་དེ་དག་གིས་འོད་དེ་མཐོང་ནས་གང་འདི་ལྟ་བུ་རྣམ་པར་དག་པའི་འོད་བྱུང་བ་ལས་ན་ཀྱེ་མ་འདི་ནི་དེ་བཞིན་གཤེགས་པའི་འོད་ཟེར་སྣང་བ་མཐའ་ཡས་སུ
138a5 འགྱུར་རོ་ཞེས་ཆེད་དུ་བརྗོད་པ་ཆེད་དུ་བརྗོད་དེ། དེ་ལྟར་དེ་བཞིན་གཤེགས་པ་དེའི་མཚན་འོད་ཟེར་སྣང་བ་མཐའ་ཡས། འོད་ཟེར་སྣང་བ་མཐའ་ཡས་ཤེས་བྱ་བར་གྱུར
138a6 ཏོ། །ཅིའི་ཕྱིར་འཇིག་རྟེན་གྱི་ཁམས་དེ་ཤིན་དུ་སྤྲུལ་པ་ཞེས་བྱ་ཞེ་ན། འཇིག་རྟེན་གྱི་ཁམས་དེ་ན་འཁོད་པའི་མི་དེ་དག་གི་ལོངས་སྤྱོད་དང་ཡོངས་སུ་སྤྱད་པ་ནི། གཞན་འཕྲུལ
138a7 དབང་བྱེད་ཀྱི་ལྷའི་བུ་རྣམས་ཀྱི་ལོངས་སྤྱོད་དང་ཡོངས་སུ་སྤྱད་པ་ཅི་འདྲ་བ་དེ་འདྲ་བར་གྱུར་པས་དེའི་ཕྱིར་འཇིག་རྟེན་གྱི་ཁམས་དེ་ཤིན་དུ་སྤྲུལ་པ་ཞེས་བྱའོ། །ཅིའི་ཕྱིར་བསྐལ
iiif viewer powered by OpenSeadragon
