| e-texts navigator |
| Wylie |
136b1 ཡང་དགེ་བའི་རྩ་བ་དག་པ་ནི། འདི་ལྟ་སྟེ། ལོངས་སྤྱོད་མི་ཟད་པ་དང་། ལག་ན་རིན་པོ་ཆེའོ། །ཡོངས་སུ་བསྔོ་བ་དག་པ་ནི། གང་སེམས་ཅན་ཐམས་ཅད་དང་། སློབ་པ་དང་། མི་སློབ་པ་དང་།
136b2 རང་སངས་རྒྱས་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། སངས་རྒྱས་ཐམས་ཅད་ཀྱི་དགེ་བའི་རྩ་བ་རྣམས་ཡོངས་སུ་བསྔོ་བ་དེས་ཡོངས་སུ་འཛིན་ཅིང་ཡང་དག་པར
136b3 འཇུག་པའོ། །ཤེས་རབ་དག་པ་ནི། གང་གཟུངས་ཀྱི་ཕྱག་རྒྱས་བཏབ་ནས་སངས་རྒྱས་ཐམས་ཅད་ཀྱིས་གསུངས་པ་ཀུན་ཏུ་འཛིན་ཅིང་ཆུད་མི་ཟ་བར་བྱེད་པའོ། །ཐབས་དག་པ་ནི། གང
136b4 སྤོབས་པ་རྒྱུན་མི་འཆད་པ་དང་། སྤོབས་པ་ཆགས་པ་མེད་པ་དང་། ཆོས་བསྟན་པ་དོན་ཡོད་པས་ལེགས་པར་བཤད་པས་སེམས་ཅན་ཐམས་ཅད་ཡང་དག་པར་ཚིམ་པར་བྱེད་པའོ། །
136b5 བློ་གྲོས་རྒྱ་མཚོ། གཞན་ཡང་དགེ་བའི་རྩ་བ་དག་པ་ནི། གང་ཚེ་རབས་ཚེ་རབས་དག་ཏུ་བྱང་ཆུབ་ཀྱི་སེམས་མི་བརྗེད་པའོ། །ཡོངས་སུ་བསྔོ་བ་དག་པ་ནི། གང་བྱང་ཆུབ་ཀྱི་སེམས་མ
136b6 བརྗེད་པར་དགེ་བའི་རྩ་བ་ཐམས་ཅད་ཐམས་ཅད་མཁྱེན་པ་ཉིད་དུ་ཡོངས་སུ་བསྔོ་བའོ། །ཤེས་རབ་དག་པ་ནི། གང་མི་གནས་པའི་དགེ་བའི་རྩ་བ་དེ་བྱང་ཆུབ་ཀྱི་སེམས་སུ་ཤེས་པའོ། །
136b7 ཐབས་དག་པ་ནི། བྱང་ཆུབ་ཀྱི་སེམས་མཉམ་པ་ཉིད་ཕ་རོལ་ཁོང་དུ་ཆུད་པར་བྱ་བའི་ཕྱིར་ཡང་དག་པར་འཛིན་དུ་འཇུག་པའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བློ
iiif viewer powered by OpenSeadragon
