| e-texts navigator |
| Wylie |
136a1 གྲོས་རྒྱ་མཚོ། དགེ་བའི་རྩ་བ་དག་པ་ནི། གང་བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་ཏུ་ལྟ་བ་དང་བྲལ་བར་དགེ་བའི་རྩ
136a2 བ་དེ་དག་གསོག་པའོ། །ཡོངས་སུ་བསྔོ་བ་དག་པ་ནི། གང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ཡོངས་སུ་འདྲིས་པར་དགེ་བའི་རྩ་བ་དེ་དག་བྱང་ཆུབ་ཏུ་ཡོངས་སུ
136a3 བསྔོ་བའོ། །ཤེས་རབ་དག་པ་ནི། གང་སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་ཡིན་པ་ཤེས་པའི་ཡེ་ཤེས་སོ། །ཐབས་དག་པ་ནི། གང་སེམས་ཅན་ཐམས་ཅད་ལ་སོ
136a4 སོ་ཅི་རིགས་པར་ཆོས་སྟོན་པ་ལ་མཁས་པའོ། །བློ་གྲོས་རྒྱ་མཚོ། གཞན་ཡང་དགེ་བའི་རྩ་བ་དག་པ་ནི། གང་སྲིད་པར་འགྲོ་བའི་སྐྱེ་བ་ཐམས་ཅད་ལ་མི་གནས་པར་དགེ་བའི་རྩ
136a5 བ་དེ་དག་ཐམས་ཅད་གསོག་པའོ། །ཡོངས་སུ་བསྔོ་བ་དག་པ་ནི། གང་ཐེག་པ་ཐམས་ཅད་ལ་ཡང་དག་པར་གཞོལ་པས་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཡིད་ལ
136a6 བྱེད་པ་དང་བྲལ་བར་དགེ་བའི་རྩ་བ་དེ་དག་ཐེག་པ་ཆེན་པོར་ཡོངས་སུ་བསྔོའོ། །ཤེས་རབ་དག་པ་ནི། གང་བག་ཆགས་ཀྱི་མཚམས་སྦྱོར་བར་འགྱུར་བའི་ཉོན་མོངས་པ་ཐམས་ཅད
136a7 ཡང་དག་པར་འཇོམས་པའོ། །ཐབས་དག་པ་ནི། སེམས་ཅན་གང་དག་ཡོངས་སུ་སྨིན་པར་བྱེད་པ་དེ་དག་དོན་མཐུན་པས་ཐེག་པ་ཆེན་པོ་ཡང་དག་པར་འཛིན་དུ་འཇུག་པའོ། །གཞན
iiif viewer powered by OpenSeadragon
