| e-texts navigator |
| Wylie |
132a1 འགྱུར|་གང་ཚོན་སེར་པོ་གསེར་ལྟ་བུས་ཁ་བསྒྱུར་བ་དེ་ནི། ཁ་དོག་གསེར་ལྟ་བུར་འགྱུར་ཡང་སྣོད་དེ་ལ་ནི། རྣམ་པར་རྟོག་པར་འགྱུར་བ་གང་ཡང་མེད་དོ། །
132a2 བློ་གྲོས་རྒྱ་མཚོ། དེ་བཞིན་དུ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་སྣོད་གཅིག་ལ་གང་ཟག་གསུམ་སྟེ། གཅིག་ནི། ཉན་ཐོས་ཀྱི་ཐེག་པ་པ། གཅིག་ནི། རང
132a3 སངས་རྒྱས་ཀྱི་ཐེག་པ་པ། གཅིག་ནི། ཐེག་པ་ཆེན་པོ་ལ་ཡང་དག་པར་ཞུགས་པ་བཙུད་ལ་དེ་དག་ཚུད་པ་དང་། གང་གིས་ཅི་འདྲ་བའི་བསམ་པ་དང་། སེམས་ཀྱི་ཚོན་བསགས་པ་དེ
132a4 འདྲ་བར་དེ་ཡེ་ཤེས་ཀྱི་ཚོན་ཡོངས་སུ་འཛིན་ཀྱང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་སྣོད་ལ་ནི། རྣམ་པར་རྟོག་པ་གང་ཡང་མེད་དོ། །དེ་ལ་རས་ཤོག་པོའི་ཡུག
132a5 ལྟ་བུར་ནི། ཉན་ཐོས་ཀྱི་ཐེག་པ་པ་བལྟའོ། །རས་ཕྲན་གྱི་ཡུག་ལྟ་བུར་ནི། རང་སངས་རྒྱས་ཀྱི་ཐེག་པ་པ་བལྟའོ། །རིན་ཐང་མེད་པའི་རས་བཅོས་བུའི་ཟུང་ལྟ་བུར་ནི། ཐེག་པ་ཆེན
132a6 པོ་ལ་ཡང་དག་པར་ཞུགས་པ་བལྟའོ། །བློ་གྲོས་རྒྱ་མཚོ། ཆོས་རྣམས་ནི། སྙིང་པོ་མེད་པ། བྱེད་པ་པོ་མེད་པ། བདག་མེད་པ། སེམས་ཅན་མེད་པ། སྲོག་མེད་པ། གང་ཟག་མེད་པ།
132a7 བདག་པོ་མེད་པ་སྟེ། འདི་ལྟར་ཇི་ལྟར་འདོད་པ་དེ་ལྟར་རྣམ་པར་སྒྲུབ་སྟེ་རྣམ་པར་བསྒྲུབས་ཀྱང་སེམས་པ་མ་ཡིན། རབ་ཏུ་རྟོགས་པ་མ་ཡིན་པ་ལ་ལྟོས། བློ་གྲོས་རྒྱ་མཚོ། ཆོས་རྣམ
iiif viewer powered by OpenSeadragon
